अभिनेत्री नेहा धुपिया व अंगद बेदी यांनी कोणताही गाजावाजा न करता लग्न केले. आता पुन्हा एकदा या जोडप्याकडून गोड बातमी शेअर होत आहे. नेहा आई होणार असल्याची गुडन्युज तिने ट्विटर व इन्स्टाग्राम वरून दिली आहे. तीन महिन्यापूर्वीच लग्न झालेले हे जोडपे सोशल मीडियावर चांगलेच चर्चेत होते. 

अंगद बेदी नेहापेक्षा वयाने लहान असल्याने या लग्नाबाबत अनेक चर्चा झाल्या. ती लग्नापूर्वीच गरोदर असल्याने तिने लवकर व गाजावाजा न करता लग्न केल्याचे म्हटले जाते. अखेरीस ती गरोदर असण्याच्या वृत्ताला थेट नेहाकडूनच दुजोरा मिळाला आहे. तिने इन्स्टाग्रामवर व ट्विटरवर 'एक नवी सुरवात...आम्ही तिघं' असे कॅप्शन देत तिचे व नेहाचे फोटो शेअर केले आहेत. तसेच अंगद बेदीने ट्विटरवर 'हो..ही अफवा खरी आहे' असे कॅप्शन देऊन त्याचे व नेहाचे फोटो शेअर केले आहेत.  

10 मे रोजी तिचे व अंगद बेदीचे दिल्लीत लग्न झाले होते. नेहा 37 वर्षांची आहे, तर अंगद 35 वर्षांचा म्हणजेच तिच्यापेक्षा दोन वर्षांनी लहान आहे.