Pakistani actress Nausheen Shah wants to slap Kangana Ranaut viral: बॉलिवूडची पंगा क्विन म्हणजेच कंगना रणौत ही नेहमी चर्चेत असते. ती केवळ तिच्या चित्रपटामुळेच नाही तर तिच्या वक्तव्यामुळे देखील लाईमलाईटमध्ये राहते.

बऱ्याचदा तिला तिच्या वक्तव्यांमुळे वादाचा आणि ट्रोलिंगचा सामनाही करावा लागतो. त्यातच आता कंगना पुन्हा एकदा चर्चेत आली आहे मात्र यावेळी कारण तिचं काही वक्तव्य नाही तर ती एका पाकिस्तानी अभिनेत्रीमुळे चर्चेचं कारण ठरली आहे.

त्याच झालं असं की, नुकतीच पाकिस्तानची प्रसिद्ध अभिनेत्री नौशीन शाह हिने एका मुलाखतीत कंगना राणौतवर टीका केली आहे. इतकच नाही तर कंगनाला इतरांचा आदर नाही आणि तिला कंगनाच्या कानाखाली मारायची आहे अशी इच्छाही तिने व्यक्त केली आहे. त्यामुळे आता नौशीन शाह ही देखील वादात सापडली आहे. नेटकरी तिला ट्रोल करत आहेत.

हद कर दी या पाकिस्तानी चॅट शो मध्ये अभिनेत्री नौशीन शाह ही मोमीन साकिबसोबत दिसली. या शोमध्ये तिला बॉलिवूड अभिनेत्रीला भेटण्याबाबत प्रश्न विचारण्यात आला त्यावेळी तिने कंगनाचं नाव घेतलं.

ती म्हणाली की, मला कंगनाला भेटून तिला कानखाली मारायची आहे. ती ज्याप्रकारे माझ्या देशाबद्दल वाईट बोलत असते. ती पाकिस्तानी लष्कराबद्दल वाईट साईट बालते. तिच्या धाडसाचं मी कौतुक करते पण तिला हे कळत नाही की ती दुसऱ्याच्या देशाबद्दल वाईट बोलतेय.

इतकच नाही तर तिने कंगनाला सल्लाही दिला आहे. पुढे ती म्हणाली की, 'तुम्ही तुमच्या देशावर लक्ष केंद्रित करा, तुमच्या अभिनयावर लक्ष केंद्रित करा, तुझं दिग्दर्शन, तुझा वाद आणि तुमचा एक्स बॉयफ्रेंड यागोष्टींवर लक्ष द्या.'

नौशीन शाह पुढे म्हणते की, पाकिस्तानातील लोकांसोबत गैरवर्तन होते आहे हे तुम्हाला कसं कळतं? तुम्हाला पाकिस्तानी लष्कराबद्दल माहिती कशी मिळते? तुम्हाला आमच्या एजन्सीबद्दल माहिती कशी? इथे आम्हाला स्वतःला याबाबत माहिती नाही, एजन्सी आमच्या देशात आहेत, सैन्य आमच्या देशाचं आहे, ते या गोष्टी आमच्याशी शेअर करत नाहीत. हे एक सिक्रेट आहे, नाही का?

नौशीनने कंगनावर टीका केली कर दुसरीकडे तिच्या अभिनयाचं कौतुकही केलं. ती म्हणाली की कंगना एक अद्भुत आणि सुंदर अभिनेत्री आहे, ती एक अतिशय सुंदर महिला आहे परंतु माफ करा, जेव्हा इतर लोक आणि देशांचा आदर करण्याचा विचार येतो त्यावेळी ती खूप वाईट आहे . आता अभिनेत्रीचं हे वक्तव्य सोशल मीडियावर व्हायरल होत आहे. काहींनी नौशीनला पाठिंबा दिला आहे तर काहींनी तिची खिल्ली उडवली आहे. मात्र अद्याप कंगनाने याबाबत काही वक्तव्य केलेलं नाही.

कंगनाच्या कामाबद्दल बोलायचं झालं तर ती पी वासू दिग्दर्शित 'चंद्रमुखी 2' मध्ये दिसणार आहे. त्यासोबतच ती 'तेजस' आणि 'इमर्जन्सी' या चित्रपटातही दिसणार आहे.