Paris Hilton welcomes second child with husband Carter Reum: लोकप्रिय अभिनेत्री आणि प्रसिद्ध मॉडेल पॅरिस हिल्टन ही दुसऱ्यांदा आई झाली आहे. पॅरिसनं पती कार्टर रियमसोबत सरोगसीद्वारे आपल्या लेकीचं स्वागत केलं.

पॅरिसने सोशल मीडियावर पोस्ट शेयर करत तिच्या चाहत्यांना ही माहिती दिली आहे. यापोस्टमध्ये तिने तिच्या लेकीचे नाव देखील सांगितले आहे.

पॅरिस हिल्टनने सोशल मिडियावर एक पोस्ट शेयर केली आहे. ज्यात तिने गुलाबी रंगाच्या एका ड्रेसचा फोटो शेयर केला आहे. या ड्रेसवर तिने मुलीचे नाव लिहिले आहे. या पोस्टमध्ये शेअर केलेल्या ड्रेसवर लंडन लिहिले आहे.

पॅरिसने तिच्या लेकीचे नाव लंडन ठेवले आहे. या पोस्टच्या कॅप्शनमध्ये तिने लिहिले की, Thankful for my baby girl.'

पॅरिस 2021 मध्ये कार्टर रियमसोबत लग्न बंधनात अडकली होती. तिने पहिल्या मुलाचे स्वागतही सरोगेसीद्वारेच केले होते. त्याचे नाव त्यांनी फिनिक्स ठेवले होते. आता लेकीचं स्वागत करुन त्यांनी तिचं नाव लंडन ठेवलं आहे.

तर या वर्षाच्या सुरुवातीला तिच्या पॉडकास्टमध्ये तिने सांगितले होते की फिनिक्ससाठी लंडन नावाची छोटी बहीण मिळाल्याने ती खूप उत्साहित आहे.

याच पॉडकास्टमध्ये तिने लेकीचं नाव लंडन का ठेवले याचा खुलासा केला होता. लंडन हे तिचे आवडते शहर आहे. त्यामुळे तिला तिच्या मुलीचे नाव लंडन ठेवायचे होते. तिने हे नाव दहा वर्षापुर्वीच ठरवलं होतं. तिला हे नाव खुप आवडते.

सध्या पॅरिसच्या लेकीची आणि तिच्या नावाची सोशल मिडियावर खुप चर्चा आहे. नेटकरींना हे नाव ऐकल्यानंतर आश्चर्य वाटत आहे तर अनेकांनी तिला नाव बदलण्याचा सल्लाही दिला आहे.