Meera Chopra : बॉलिवूडमधील प्रसिद्ध अभिनेत्री प्रियांका चोप्राची (Priyanka Chopra) बहीण परिणीती चोप्रानं (Parineeti Chopra) काही दिवसांपूर्वी आम आदमी पक्षाचे नेते राघव चड्ढा (Raghav Chadha) यांच्यासोबत लग्नगाठ बांधली. परिणीती आणि राघव यांचा विवाह सोहळा धुमधडाक्यात पार पडला. अशताच आता प्रियांकाची आणखी एक बहीण लग्न करणार आहे. प्रियांकाची चुलत बहीण मिरा चोप्रा (Meera Chopra) ही लवकरच रक्षित केजरीवालसोबत (Rakshit Kejriwal) लग्नगाठ बांधणार आहे.

लग्नाच्या पत्रिकेचा फोटो व्हायरल

मिरा चोप्रा ही तिचा बॉयफ्रेंड रक्षित केजरीवालसोबत लग्न करणार आहे. मिरा चोप्रा आणि रक्षित केजरीवाल यांच्या लग्नाच्या पत्रिकेचा फोटो सोशल मीडियावर व्हायरल झाला आहे. यामध्ये मिरा आणि रक्षित यांच्या प्री-वेडिंग फंक्शन्स आणि लग्नाची माहिती आहे.

मिरा चोप्राच्या प्री-वेडिंग फंक्शन्सला 11 मार्चपासून सुरुवात होणार आहे. मीरा आणि रक्षित यांच्या मेहंदी सोहळ्यानंतर संगीत आणि कॉकटेल नाईट असणार आहे. 12 मार्च रोजी दिवसभर हळदी समारंभ होईल आणि त्यानंतर संध्याकाळी मीरा आणि रक्षित यांची वरात असणार आहे. जयपूरमधील कुंडा येथील एका आलिशान हॉटेलमध्ये मिरा आणि रक्षित यांचे लग्न होणार आहे.

मिरा आणि रक्षित जयपूरमध्ये बांधणार लग्नगाठ (Meera Chopra And Rakshit Kejriwal Wedding)

2018 मध्ये प्रियांका चोप्राने निक जोनाससोबत जोधपूरच्या उम्मेद भवनमध्ये लग्न केले. तर गेल्या वर्षी परिणीती चोप्राने राघव चढ्ढासोबत उदयपूरमध्ये लग्नगाठ बांधली. प्रियांका आणि परिणीतीप्रमाणे मीरा चोप्राही राजस्थानमध्ये लग्न करणार आहे. जयपूरमध्ये ती रक्षितसोबत लग्नगाठ बांधणार आहे.

जाणून घ्या मिरा चोप्राबद्दल (Know About Meera Chopra)

'अंबे आरुयरे' या तमिळ चित्रपटातून मिरानं अभिनय क्षेत्रातील करिअरला सुरुवात केली. मीरा चोप्राने बॉलिवूडमध्ये देखील विशेष ओळख निर्माण केली आहे. तिने'1920 लंडन', 'सफेद', 'सेक्शन 375' आणि 'गँग ऑफ घोस्ट' या हिंदी चित्रपटांमध्ये काम केलं. मिरा चोप्रा ही सोशल मीडियावर विविध लूकमधील फोटो शेअर करत असते. तिच्या सोशल मीडियावरील पोस्ट नेटकऱ्यांचे लक्ष वेधतात. मिराला सोशल मीडियावर 507k फॉलोवर्स आहेत.