गेल्या काही दिवसांपासून साउथमध्ये एका चित्रपटाची चर्चा आहे. तो म्हणजे कंगना राणौत आणि राघव लॉरेन्स स्टारर 'चंद्रमुखी 2'. हा सिनेमा येत्या 28 सप्टेंबर प्रेक्षकांच्या भेटीला येणार आहे. मात्र हा केवळ एकच चित्रपट या दिवशी रिलिज होणार नसून याच दिवशी म्हणजे 28 सप्टेंबर रोजी बॉक्स ऑफिसवर तीन सिनेमांची टक्कर होणार आहे.

या दिवशी विवेक अग्निहोत्रीचा 'द व्हॅक्सिन वॉर', रिचा चढ्ढा आणि पुलकित सम्राट यांचा कॉमेडीचित्रपट 'फुक्रे 3' आणि कंगनाचा 'चंद्रमुखी 2' देखील थिएटरमध्ये प्रदर्शित होत आहे. त्यामुळे आता या तिन्ही चित्रपटांपैकी कोणता सिनेमा प्रेक्षकांच्या पसंतीस पडतो याकडे सर्वांच्या नजरा लागल्या आहेत.

सध्या कंगना आणि राघव त्याच्या चंद्रमुखी 2 या चित्रपटाच्या प्रमोशनमध्ये व्यस्त आहेत. आता त्यातच राघवने चित्रपटाच्या प्रदर्शनासाठी पुर्वी साउथचे सुपरस्टार थलैवा रजनीकांत यांची भेट घेतली. यावेळी त्याने त्याच्या चंद्रमुखी 2 या चित्रपटासाठी आशीर्वाद घेतला. त्याचा व्हिडिओ सध्या सोशल मीडियावर व्हायरल झाला आहे.

हा व्हिडिओ सोशल मीडियावर शेयर करत राघवने ट्विटमध्ये लिहिले की, "जेलरच्या यशाबद्दल अभिनंदन करण्यासाठी आणि 28 सप्टेंबर रोजी प्रदर्शित होणाऱ्या चंद्रमुखी 2 साठी आशिर्वाद घेण्यासाठी आज मी माझे गुरू रजनीकांत यांना भेटलो. मी खूप आनंदी आहे. थलैवा नेहमीच महान आहेत."

पी.वासू यांच्या दिग्दर्शनाखाली बनलेल्या चंद्रमुखी 2 या चित्रपटाचा पहिला प्रेक्षकांना खुप आवडला होता. हा एक हॉरर टच कॉमेडी चित्रपट आहे. या चित्रपटाच्या प्रीक्वलमध्ये ज्योतिका मुख्य अभिनेत्रीच्या भूमिकेत होती.

तर दुसऱ्याभागात ही भुमिका कंगना साकारणार आहे. तर 'चंद्रमुखी 2' कंगना रणौत आणि राघव लॉरेन्सची जोडी पहिल्यांदाच पडद्यावर दिसणार आहे. हा सिनेमा पाहण्यासाठी प्रेक्षकांमध्ये खुप उत्सूकता आहे.