'सत्या','रंगीला','सरकार','भूत','कम्पनी' असे वेगवेगळ्या जॉनरचे सिनेमे बनवणारे राम गोपाल वर्मा आता 'लडकी: गर्ल ड्रॅगन' हा सिनेमा घेऊन आपल्या भेटीस येत आहेत. १५ जुलै रोजी हा सिनेमा प्रदर्शित होत आहे. या सिनेमाचं वैशिष्ट्य म्हणजे चीनी भाषेतही हा सिनेमा डब करण्यात आला असून चीनमधील ४० हजार स्क्रीनवर प्रदर्शित केला जाणार आहे. चीननं यासाठी राम गोपाल वर्मांशी (Ram Gopal Verma)मैत्रीचा हात मिळवल्याचं त्यांनी सांगितलं. या सिनेमाच्या निमित्तानं सकाळ UNPLUGGED ला दिलेल्या मुलाखतीत राम गोपाल वर्मा यांनी राजकारण,ट्रोलिंग,साउथ सिनेमावरुन रंगलेला वाद अशा अनेक गोष्टींवर मोकळेपणाने आपली मतं मांडली आहेत. त्या मुलाखतीची लिंक बातमीत जोडलेली आहे. (Ram Gopal Verma Exclusive Interview- 'Ladki-Girl Dragon' Movie)

या मुलाखतीत राम गोपाल वर्मा यांनी सिनेमातील राजकीय हस्तक्षेप यावर भाष्य करताना एकाच वाक्यात स्पष्ट आपलं मत मांडलं आहे. तसंच आपला सिनेमा चीन मध्ये रिलीज होतोय,आपल्या सिनेमाला चीननं सहकार्य केलंय कारण तो ब्रुसलीवरचा सिनेमा आहे पण भारत-चीनमध्ये सुरु असलेल्या संघर्षावरही यावेळी बोलायला दिग्दर्शक विसरला नाही. राम गोपाल वर्मा यांची ती स्पष्ट वक्तव्य ऐकण्यासाठी बातमीत जोडलेली मुलाखत नक्की ऐका.

राम गोपाल वर्मा यांच्या 'लडकी -गर्ल ड्रॅगन' सिनेमातील मुख्य अभिनेत्री ही पुण्याची मराठी मुलगी आहे. तसं पाहिलं तर उर्मिला मातोंडकर,अंतरा माळी यांचं बॉलीवूडमध्ये नाव मोठं होण्यात राम गोपाल वर्मा यांचा देखील महत्त्वाचा वाटा आहे असं म्हटलं तर चुकीचं ठरणार नाही. आता मराठमोळया पूजा भालेकरलाही वर्मांनी संधी दिली आहे. यावेळी मराठी अभिनेत्रीला आपल्या सिनेमात संधी देण्यामागचं नेमकं कारण काय याविषयी देखील राम गोपाल वर्मा मोकळेपणाने बोलले आहेत. आपल्यावर होणाऱ्या ट्रोलिंगविषयी देखील राम गोपाल वर्मा मुलाखतीत व्यक्त झाले आहेत.