राज कपूर यांचा 'राम तेरी गंगा मैली' (Ram Teri Ganga Maili) सिनेमातील प्रत्येक सीन आजही चाहत्यांच्या लक्षात आहे. धबधब्याखाली पांढऱ्या शुभ्र साडीतील मंदाकिनीचा चेहरा तर चाहत्यांच्या मनावर अक्षरशः कोरला गेलाय. पण अर्थात सर्वांनाचा हा प्रश्न पडला होता की मंदाकिनी आहे कुठे? आता कशी दिसतेय? पण आता मंदाकिनीच्या(Mandakini) सगळ्या चाहत्यांसाठी खुशखबर आहे. मंदाकिनीच्या गाण्याचं पोस्टर समोर येताच तिचे चाहते मात्र भलतेच खूश झाले आहेत.('Ram Teri Ganga Maili' star Mandakini all set to make a comeback after 26 years)

अभिनेत्री मंदाकिनी पुन्हा एकदा आपल्या अदांनी लोकांना घायाळ करण्यासाठी सज्ज झाली आहे. होय,मंदाकिनी मनोरंजन क्षेत्रात एका म्युझिक व्हिडीओच्या माध्यमातून Maa O Maa मधून कमबॅक करत आहे. तिच्या गाण्याचं पहिलं पोस्टर नुकतंच रिलीज करण्यात आलं आहे.

मंदाकिनीला शेवटचं पाहिलं होतं ते साल १९९६ मध्ये आलेल्या 'जोरदार' सिनेमात. तब्बल दोन दशकांनी मंदाकिनी पुन्हा एकदा फिल्मी दुनियेत धमाकेदार एन्ट्री करण्यासाठी सज्ज झाली आहे. यावेळी ती आपला मुलगा रब्बिल ठाकूरसोबत मनोरंजन जगतात पाऊल ठेवतेय.

मंदाकिनीला आजही 'राम तेरी गंगा मैली' या तिच्या सिनेमासाठी ओळखलं जातं. मंदाकिनीनं या सिनेमात ज्या पद्धतीनं भू्मिका साकारली होती त्यामुळे चाहत्यांच्या ती आजही लख्ख लक्षात आहे. अभिनेत्रीनं आपल्या इन्स्टाग्राम अकाऊंटवर आपल्या गाण्याचं पहिलं पोस्टर शेअर केलं आहे. या गाण्यात मंदाकिनी सोबत तिचा मुलगा रब्बिल ठाकूर देखील दिसणार आहे. मंदाकिनीच्या या गाण्याचं दिग्दर्शन सजन अग्रवालनं केलं आहे. त्यानंच गाण्याचे शब्द लिहिले आहेत. आता हे गाणं रिलीज झाल्यावर चाहते आपल्या लाडक्या अभिनेत्रीचं कसं स्वागत करतायत आणि गाण्याला कशी पसंती देतायत हे पाहणं महत्त्वाचं ठरेल.