Ranbir Kapoor Video News: रणबीर कपूर हा बॉलिवूड मनोरंजन विश्वातला लोकप्रिय अभिनेता. बर्फी, रॉकस्टार, जग्गा जासूस अशा अनेक सिनेमांमधून रणबीरने त्याच्या अभिनयाची छाप पाडली आहे.

रणबीर सोशल मीडियावर सक्रीय नाही. पण रणबीर कपूरचे व्हिडीओ सोशल मीडियावर व्हायरल होत असतात. रणबीरचा असाच एक व्हिडीओ नुकताच सोशल मीडियावर व्हायरल झालाय. यात रणबीर पापाराझींवर भडकलेला दिसतोय. काय झालंय नेमकं? जाणुन घ्या.

काय हवंय तुला? रणबीर पापाराझींवर भडकला

रणबीर कपूरचा एक व्हिडीओ सोशल मीडियावर व्हायरल झालाय. यामध्ये रणबीर एका इमारतीतून बाहेर पडून त्याच्या कारकडे जाताना दिसत आहे. यादरम्यान पापाराझी वारंवार त्याला थांबायला सांगताना दिसत आहेत. याशिवाय फोटोसाठी पोज देण्यास सांगत आहेत. यावर रणबीर चिडून म्हणतो- "काय हवंय तुला? काय करु नेमकं?" यानंतर रणबीर पापाराझींना फोटो न देताच वैतागून कारमध्ये निघून जातो.

रणबीरच्या अ‍ॅनिमलची उत्सुकता

 बॉलीवूड अभिनेता रणबीर कपूर हा सध्या अनेक कारणांसाठी चर्चेत आहे. त्याचा आगामी 'अ‍ॅनिमल' चित्रपट रिलीजसाठी सज्ज आहे. हा सिनेमा 1 डिसेंबर 2023 मध्ये मोठ्या पडद्यावर प्रदर्शित होणार आहे.

या चित्रपटाचा टिझर आणि ट्रेलर रिलिज झाल्यानंतर चाहते या सिनेमासाठी उत्सूक आहे. त्यातच या चित्रपटातील पहिल्या गाण्याने देखील सोशल मिडियावर धुराळा उडवला आहे.

रणबीर अभिनयातुन घेणार ब्रेक?

रणबीर त्याच्या आगामी 'अ‍ॅनिमल' आणि 'रामायण' चित्रपटासाठी चर्चेत आहे. मात्र आता रणबीरच्या चाहत्यांसाठी एक निराशाजनक बातमी समोर आली आहे. रणबीर हा काही दिवस अभिनयातून ब्रेक घेणार असल्याची घोषणा त्याने स्वत:च केली आहे. रणबीरने काही दिवसांपुर्वी झूम कॉलच्या माध्यमातुन चाहत्यांशी संवाद साधताना ही गोष्ट सांगितली.