Rihanna: उद्योगपती मुकेश अंबानी (Mukesh Ambani) यांचा मुलगा अनंत अंबानी (Anant Ambani) आणि राधिका मर्चंट (Radhika Merchant) यांच्या प्री-वेडिंग फंक्शन्स सध्या जामनगरमध्ये (Jamnagar) सुरू आहेत. अनंत आणि राधिका यांच्या प्री-वेडिंग फंक्शन्सला बॉलिवूड सेलिब्रिटींनी हजेरी लावली. काल संध्याकाळी अनंत आणि राधिका यांच्या प्री-वेडिंग कॉकटेल नाईटमध्ये बॉलिवूड स्टार्सनं हजेरी लावली. यावेळी प्रसिद्ध गायिका रिहानानं (Rihanna) परफॉर्म केलं. सध्या रिहानाच्या परफॉर्मन्सचे व्हिडीओ सोशल मीडियावर व्हायरल होत आहेत.

पॉप गायिका रिहानाने अनंत अंबानी आणि राधिका मर्चंटच्या प्री-वेडिंग पार्टीमध्ये अप्रतिम परफॉर्मन्स केला. रिहानाच्या परफॉर्मन्सनंतर अंबानी कुटुंब देखील स्टेजवर येऊन थिरकले. परफॉर्मन्सदरम्यान रिहाना म्हणाली, "आज इथे परफॉर्म करणे माझ्यासाठी खास आहे. याआधी मी कधीच भारतात आले नव्हते. अंबानी कुटुंबाचे आभार, त्यांच्यामुळे मी आज येथे आहे. अनंत आणि राधिका, मला इथे बोलवल्याबद्दल धन्यवाद. देव तुम्हाला आशीर्वाद देवो. मी तुम्हाला शुभेच्छा देतो. अभिनंदन."

पाहा व्हिडीओ:

रिहानाला शनिवारी सकाळी विमानतळावर स्पॉट करण्यात आलं. यावेळी तिनं पापाराझीसोबत फोटोसाठी पोज दिल्या. ती म्हणाली, “शो खूप छान झाला,”

रिहानानं प्री-वेडिंग फंक्शनमध्ये परफॉर्म करण्यासाठी किती मानधन घेतलं?

इंस्टंट बॉलिवूड नावाच्या इन्स्टग्राम अकाऊंटवरुन एक पोस्ट शेअर करण्यात आली होती. त्यानुसार रिहानानं अनंत आणि राधिकाच्या प्री वेडिंगसाठी तब्बल 52 कोटी रुपयांचे मानधन घेतले आहे, असं लिहिलेलं दिसलं.

मुकेश अंबानी यांचा मुलगा अनंत अंबानी आणि राधिका यांचा विवाहसोहळा जुलैमध्ये पार पडणार आहे, असं म्हटलं जात आहे. मात्र त्यापूर्वी 1 ते 3 मार्च दरम्यान त्यांच्ये प्री वेडिंग फंक्शन्स जामनगरमध्ये होत आहेत.