Salman Khan Birthday Celebration: सुपरस्टार सलमान खान आज त्याचा 58 वा वाढदिवस साजरा करत आहे. या निमित्ताने त्याच्यावर कुटुंबीय, चाहते आणि बॉलिवूडच्या सर्व सेलिब्रिटींकडून शुभेच्छांचा वर्षाव होत आहे.

हा दिवस आणखी खास बनवणारी गोष्ट म्हणजे, सलमान खानने त्याचा वाढदिवस त्याची बहीण अर्पिता खान शर्माची मुलगी आयतसोबत शेअर केला. काल रात्री सलमान खानने त्याची भाची, मित्र आणि कुटुंबियांसोबत वाढदिवसाचं खास सेलिब्रेशन केलं.

सलमानने भाचीसोबत केक कापून वाढदिवस साजरा केला

सलमान खानने भाची आयतसोबत केक कापून आपला ५८ वा वाढदिवस साजरा केला. सलमानच्या वाढदिवसाच्या सेलिब्रेशनचा व्हिडीओ सोशल मीडियावर व्हायरल होत आहे. व्हिडिओमध्ये बॉलीवूडचा भाईजान त्याचा वाढदिवस जवळच्या मित्र आणि कुटुंबियांसोबत साजरा करताना दिसत आहे.

लॉर्ड बॉबीने सलमान खानला केलं किस

'अ‍ॅनिमल' अभिनेता बॉबी देओलनेही सलमान खानच्या बर्थडे सेलिब्रेशनचा एक फोटो त्याच्या इंस्टाग्रामवर शेअर केला आहे. एका फोटोमध्ये बॉबी देओल बर्थडे बॉयच्या गालावर किस करताना दिसत आहे.

दुसऱ्या फोटोत बॉबी सलमानच्या खांद्यावर हात ठेवून कॅमेरासाठी पोज देताना दिसत आहे. हे फोटो शेअर करताना बॉबी देओलने कॅप्शनमध्ये लिहिले की, "मामू मी तुझ्यावर प्रेम करतो."

सलमानच्या वाढदिवसाला सेलिब्रिटींची उपस्थिती

सलमान वाढदिवसाच्या पार्टीत लुलिया वंतूर, अरबाज खान, अरहान खान, हेलन, अलविरा खान अग्निहोत्री, आयुष शर्मा, अर्पिता खान शर्मा, बॉबी देओल यांच्यासह संगीतकार साजिद, फॅशन डिझायनर नंदिता महतानी आणि इतर अनेक सेलिब्रिटी उपस्थित होते.

या सर्वांनी सलमान खानसोबत वाढदिवसाच्या सेलिब्रेशनचे फोटो शेअर केले आहेत. यापूर्वी, सलमान त्याचा भाऊ अरबाज खान आणि शुरा यांच्या लग्नात स्पॉट झाला होता.