Salman khan Latest News सलमान खान (Salman Khan) पुन्हा एकदा बिग बॉसच्या (Bigg Boss 16) नव्या सीझनमुळे चर्चेत आहे. या शोची अनेक दिवसांपासून प्रतीक्षा होती. अखेर मंगळवारी शोची पत्रकार परिषद झाली. जिथे सलमानने अनेक प्रश्नांची उत्तरे दिली. दरवर्षी सलमानची फी चर्चेत असते. सलमानने यंदाच्या सीझनसाठी १,००० कोटी घेतल्याच्या बातम्या आल्या. सलमानला याबाबत विचारले असता बातमी चुकीची असल्याचे सांगितले. सलमानने यावर दिलेले उत्तर मजेशीर आहे.

‘इतके पैसे मिळाले तर मी आयुष्यात कधीच काम करणार नाही. त्याचा एक चतुर्थांशही मिळाले नाही. माझा खर्चही खूप आहेत. मला वकिलांनाही पैसे द्यावे लागते. वकीलही सलमान खान आहे. सलमान खान इथून घेतो, सलमान खान तिकडे घेऊन जातो’ असा सलमान खान (Salman Khan) म्हणाला.

‘१,००० कोटींच्या फीबद्दल ऐकल्यानंतर आयकराचे लोक माझ्या घरी आले आणि चेक केले. नंतर त्यांना सत्य कळले की माझ्याजवळ काय आहे’ असेही सलमान खान म्हणाला. सलमानचे हे बोलणे ऐकून सगळे हसायला लागले.

बिग बॉस १६ (Bigg Boss 16) होस्ट करणार नसल्याच्या अफवांवर सलमानने प्रतिक्रिया दिली. ‘कधीकधी विचार करतो की आता शो करणार नाही. परंतु, हे लोक मला घेतात. मी नाही तर कोण करणार? त्यांच्याकडे कोणताही पर्याय नाही’ असेही सलमान खान म्हणाला. यावेळी शोचा वीकेंड शुक्रवार आणि शनिवार राहील. पूर्वी फक्त शनिवार आणि रविवारी वीकेंडचे युद्ध व्हायचे.