मुंबई- सध्या स्टारकिड्स सोशल मिडियावर अनेक कारणांमुळे चर्चेत आहेत. मात्र अनेक दिवसांपासून ही चर्चा होती की कपूर खानदानातील 'या' स्टारकिडचं लवकरंच बॉलीवूडमध्ये पदार्पण होणार आहे. आता तिच्या वडिलांनीच या चर्चांना पूर्णविराम दिला आहे. बॉलीवूड अभिनेता संजय कपूरची मुलगी शनाया कपूर स्टारकिड्समुळे आधीच चर्चेत आहे. मात्र अनेक दिवसांपासून ही चर्चा होती की संजय कपूरची मुलगी बॉलीवूडमध्ये पदार्पण करणार आहे. याच चर्चांना पूर्णविराम देत अभिनेता संजय कपूरने मुलगी शनाया लवकरच बॉलीवूड डेब्यु करणार असल्याचं स्पष्ट केलं आहे. 

हे ही वाचा: सलमान खानने लाडक्या भाच्यासोबत केली बाप्पाची आरती, सोबत दिसली युलिया वंतुर

अभिनेता संजय कपूरने एका प्रसिद्ध वाहिनीशी बोलताना सांगितलं की 'शनाया कपूरच्या बॉलीवूड पदार्पणाला कोरोनाच्या संकटामुळे उशीर झाला आहे. मात्र मला आशा आहे की हे सगळं लवकरच व्यवस्थित होईल. ' असं म्हणत त्याने अनेक चर्चांना पूर्णविराम दिला आहे. शनाया कपूर बॉलीवूडमध्ये लवकरंच पदार्पण करणार ही तिच्या चाहत्यांसाठी खुशखबरंच आहे. तिचे चाहते तिला मोठ्या पडद्यावर पाहण्यासाठी उत्सुक आहेत.

नेहमीच सोशल मिडियावर तिच्या अदांमुळे चर्चेत असणारी आणि चाहत्यांना तिच्या ग्लॅमरमुळे प्रेमात पाडणारी शनाया मोठ्या पडद्यावर काय जादू करणार हेच पाहायचंय. इतकंच नाही तर तिचे चाहते ती कोणत्या सिनेमातून आणि कोणासोबत डेब्यु करणार हे जाणून घेण्यासाठीही उत्सुक आहेत.

शनाया भलेही मोठ्या पडद्यावर दिसून आली नसली तरी तिने बॉलीवूड इंडस्ट्रीमध्ये काम करायला सुरुवात केली आहे. शनाया कपूरने नुकताच रिलीज झालेल्या 'गुंजन सक्सेना:द कारगिल गर्ल' या सिनेमासाठी सहाय्यक दिग्दर्शकाची जबाबदारी सांभाळली होती. तेव्हा आता तिचे चाहते तिला मोठ्या पडद्यावर अभिनेत्रीच्या रुपात पाहण्यासाठी उत्सुक आहेत.   

sanjay kapoor daughter shanaya kapoor bollywood debut to happen soon