Shah Rukh Khan: बॉलिवूडचा किंग शाहरुख खानचा जवान हा चित्रपट चित्रपटगृहांमध्ये प्रेक्षकांना वेड लावत आहे. हा चित्रपट बॉक्स ऑफिसवर रोज नवनवे रेकॉर्ड बनवत आहे. त्यातच आज चित्रपटाने अवघ्या दोन दिवसांत जगभरात 200 कोटींहून अधिक कमाई करत आणखी एक विक्रम आपल्या नावे केला आहे. जवानाने तिसऱ्या दिवशी 74.5 कोटी रुपयांची कमाई केली होती.

ही आकडेवारी पाहता शाहरुखचा जवान हा बॉक्स ऑफिसवर धुमाकूळ घालत आहे यात काही शंकाच नाही. एकीकडे चाहते थिएटरमध्ये चित्रपट पाहण्यासाठी गर्दी करत आहे तर शाहरुख देखील सातत्याने चाहत्यांचे आभार मानत आहे. अलीकडेच शाहरुखने सोशल मीडियावर चाहत्यांनी विचारलेल्या हटके प्रश्नाची उत्तर दिली आहे.

शाहरुख खानने त्याच्या खास शैलीत चाहत्यांच्या प्रश्नाची उत्तर दिली. यावेळी एका चाहत्यांने शाहरुखला प्रश्न विचारला की चित्रपटाच्या स्टारकासटमध्ये इतक्या मुली का आहेत ? हा प्रश्न विचारतांना त्या नेटकऱ्याने दीपिका पदुकोण, नयनतारा, सान्या आणि चित्रपटाच्या गर्ल गँगचे फोटो देखील शेयर केले होते.

यावर शाहरुख खानने देखील त्या चाहत्यांला प्रत्युत्तर देत दिले. शाहरुखने जे उत्तर दिले त्याचीच सध्या सर्वत्र चर्चा रंगली आहे. या प्रश्नाच्या उत्तरात शाहरुखने लिहिले की, "हे सर्व का मोजत आहेस... माझे लूक मोज ना!! तूझ्या हृदयात प्रेम आणि आदर ठेवं आणि आई अन् मुलीचा आदर करं आणि आयुष्यात पुढे जा!"

शाहरुखचं हे ट्विट सध्या चर्चेत आहे. नेटकरी शाहरुखचे कौतुक करत आहेत. त्याचबरोबर शाहरुखच्या गर्लगँगचं देखील कौतुक करत आहेत.

चित्रपटात शाहरुख खानसोबत एक सहा मुलींची गँग दिसते. जी शाहरुख खान म्हणजेच आझादला त्याच्या प्रत्येक मिशनमध्ये मदत करत असते.

या चित्रपटात शाहरुख खानच्या दमदार अ‍ॅक्शन सीक्वेन्ससोबतच नयनताराचा आणि विजय सेतुपतीची खलनायकाची भूमिकाही 'जवान' चित्रपटाला सुपरहिट करण्यास मदत करत आहे त्यासोबत सान्या मल्होत्रा ​​देखील या चित्रपटाचा एक भाग आहे. या चित्रपटात दीपिका पदुकोण आणि संजय दत्तने चित्रपटात कॅमिओ केला आहे.