Sruthi Shanmuga Priya husband Arvind Shekar passed away: प्रसिद्ध तमिळ अभिनेत्री श्रुती षणमुगा प्रिया हिच्यावर दु:खाचा डोंगर कोसळला. श्रुतीचा पती अरविंद शेखरचे वयाच्या 30 व्या वर्षी निधन झालं आहे.

श्रुती षणमुगा प्रियाचा पती अरविंद शेखर यांचे बुधवार, 2 ऑगस्ट 2023 रोजी निधन झालं. बॉडीबिल्डर असलेल्या अरविंदचे वयाच्या 30 व्या वर्षी हृदयविकाराच्या झटक्याने निधन झाल्याचं सांगितलं जात आहे.

त्याची पत्नी श्रुती षणमुगा प्रिया ही टेलिव्हिजन इंडस्ट्रीतील लोकप्रिय अभिनेत्री आहे. दोघांच्या लग्नाला एकच वर्ष झाले होते. या जोडप्याने नुकतचं त्यांच्या लग्नाचा पहिला वाढदिवस साजरा केला होता.

हृदयविकाराचा झटका आल्यानंतर अरविंदला तातडीने रुग्णालयात दाखल करण्यात आलं होतं मात्र तो वाचू शकला नाही. त्यांच्या निधनाने सर्वांनाच धक्का बसला आहे. अरविंद हा फिटनेस कोच देखील होता आणि गेल्या वर्षी त्याने मिस्टर तामिळनाडूचा किताब पटकवला होता.

काल श्रुतीने तिच्या पतीसोबतचा एक फोटो इन्स्टाग्रामवर शेअर केला. याबद्दल माहिती देत तिनं एक इमोशनल पोस्ट शेयर केली . तिने लिहिलं की, "फक्त आपलं शरीर एकमेकांपासून वेगळे झालं आहे, पण तुझा आत्मा आणि मन नेहमीच माझ्यासोबत असेल.

ते नेहमीच माझे रक्षण करतील. अरविंद तुला शांती लाभो. माझं तुझ्यावरील प्रेम आता जास्त झालं आहे. आपल्या एकमेकांसोबतच्या खूप आठवणी आहेत ज्या मी आयुष्यभर जपेल. मला तुझी खुप आठवण येते. अरविंद माझं तुझ्यावर खुप प्रेम आहे. तु नेहमीच माझ्या सोबतच आहे."

ही बातमी समोर आल्यापासून सोशल मीडियावर लोक तिला धीर देत आहे. वर्कफ्रंटबद्दल बोलायचं झालं तर, षणमुगा प्रियाने 'वाणी राणी', 'कल्याणा परिसू', पोन्नंचल आणि भारती कन्नम्मा यांसारख्या अनेक लोकप्रिय मालिकांमध्ये काम केले आहे.