Sonu Sood News: साऊथ फिल्म इंडस्ट्रीपासून ते बॉलिवूडपर्यंत आपल्या अभिनयाची छाप पाडणारा अभिनेता सोनू सूद आज लोकांसाठी मसिहा बनला आहे.

पडद्यावर खलनायकाची भूमिका साकारणारा सोनू कोरोना या कामात खरा हिरो म्हणून पुढे आला सोनूने प्रवासी मजुरांपासून ते कोरोनाच्या कामात अडचणीत सापडलेल्या सर्वांना ज्या प्रकारे मदत केली ते कोणीही विसरू शकत नाही.

आजही त्याच्या घरासमोर लोकांची गर्दी असते आणि त्याच्याकडे येणाऱ्या प्रत्येकाला मदत करण्याचा तो सर्वतोपरी प्रयत्न करतो.

सध्या तो 'एम टीव्ही रोडीज' कार्यक्रमाचं होस्टिंग करत आहेत. पण सोनूने याही मंचावर आपला दानशूरपणा दाखवून दिला आहे. या शो मध्ये आलेल्या कर्णबधिर मुलाला त्याने एक मोठी ऑफर दिली आहे.

(Sonu Sood offered movie to MTV Roadies contestant Shubham Chaudhary hearing impaired contestant)

सोनू सध्या रोडीजचा नवीन सीझन होस्ट करत आहे. MTV रोडीज सीझन 19 च्या ऑडिशन्स दरम्यान, गाझियाबाद, उत्तर प्रदेश येथील शुभम चौधरी नावाच्या स्पर्धकाने आपल्या प्रतिभेने सर्वांनाच चकित केले आहे.

पण शुभम हा कर्णबधिर आणि मुकबाधिर आहे. त्याला बोलता येत नाही. तरीही केवळ कर्णबधिर आणि मुकबाधिर मुलंही आयुष्यात काहीही करू शकतात हे दाखवण्यासाठी तो या खेळात दाखल झाला आहे.

शुभम असा असूनही त्याने आपली जिद्द आणि चिकाटी दाखवून सगळ्यांना प्रभावित केले आहे. त्यामुळे सोनू सूदनेही त्याला एक खास भेट दिली.

सोनूने त्याला त्याच्या होम प्रॉडक्शनमधील "फतेह" या चित्रपटामध्ये एक खास भूमिका ऑफर केली आहे. रोडीज मध्ये नेहमीच कठोर आणि शिस्तबद्ध व्यक्तिमत्व म्हणून सोनूची ओळख आहे, पण त्याने या गोष्टीने सगळ्यांचीच मनं जिंकली.

शुभमने सोनू सुद पुढे अभिनेता बनण्याची इच्छा बोलून दाखवली आणि सोनूने त्याला थेट भूमिका ऑफर केली. समाजाच्या भल्यासाठी नेहमीच हातभार लावणाऱ्या लोकांना अशा संधी उपलब्ध करून देत असताना सोनू यात कोणतीही कसर सोडत नाही, याचा पुन्हा एकदा प्रत्यय आला.

अशा एका मुलाला कामाची संधी देऊन त्याने त्याची वेगळी बाजू जगासमोर आणली. हा शो नेहमीच वेगवेगळ्या कारणा मुळे चर्चेत आहे एकोणिसाव्या सीझनकडे वाटचाल करत असताना तो प्रेक्षकांना अश्या गोष्टीमुळे अधिकच भावत आहे.