Swapnil Joshi: मराठीतला सुपरस्टार म्हणून स्वप्निल जोशी सर्वप्रचलित असला तरी हिंदी इंडस्ट्रीतही त्यानं केलेलं काम उल्लेखनीय आहे. त्यानं साकारलेला कृष्ण तर आजही प्रेक्षकांच्या मनावर राज्य करतो.

स्वप्निल हा खरंतर रोमॅंटिक सिनेमातला हिरो..चॉकलेट बॉयच म्हणूया नं त्याला. 'दुनियादारी', 'तु ही रे', 'मितवा' अशा त्याच्या अनेक सिनेमांनी बॉक्सऑफिसवर चांगली कमाई केली. नुकताच तो 'वाळवी' सिनेमातून एकदम वेगळ्या भूमिकेतून समोर आला. याची चित्रपटाने प्रेक्षकांना चांगलीच भुरळ घातली.

असा मराठी प्रेक्षकांचा फेव्हरेट असणारा स्वप्निल जोशी सध्या सोशल मीडियावर चांगलाच सक्रिय आहे, नुकतेच त्याने ट्विटर च्या माध्यमातून चाहत्याशी संवाद साधताना आपल्या मनातली खंत व्यक्त केली.

स्वप्नीलला चाहत्यानं ट्विटरवर प्रश्न विचारला की, 'मराठी इंडस्ट्रीमध्ये अशी एक कुठली अभिनेत्री किंवा अभिनेता आहे?  ज्यांच्या सोबत काम करायचं आहे  पण  त्यांच्यासोबत काम करण्याचा अजून योग आला नाही?'

त्यावर स्वप्नीलनं ही ट्विटर वर उत्तर दिलंय, 'आणि दुर्दैवने हा योग येणार पण नाही!  पण मला स्मिता पाटील जी यांच्या बरोबर एक फ्रेम तरी शेअर करायला मिळायला हवी होती! ती सल कायम माझ्या मनात राहिल!'

सध्या स्वप्नील झी मराठी वरील 'तू तेव्हा तशी' या मालिकेत झळकत आहे. स्वप्नील या मालिकेत 'सौरभ ' हे पात्र साकारत असून त्याच्या अभिनयाला प्रेक्षकांची प्रचंड पसंती मिळत आहे. स्वप्नीलचा वाळवी हा चित्रपट 13 जानेवारी 2023 रोजी रिलीज झाला होता. या चित्रपटात स्वप्नील इतक्या वेगळ्या भूमिकेत दिसला की त्याच्या भूमिकेचे अजूनही कौतुक होत आहे.