Shrenu Parikh and Akshay Mhatre's wedding: टीव्ही अभिनेत्री श्रेनू पारीख लग्न बंधनात अडकली आहे. तिने तिचा प्रियकर अक्षय म्हात्रेसोबत लग्न केले आहे.

श्रेनू पारीख आणि अक्षय म्हात्रेने गुरुवारी कुटुंबातील सदस्य आणि जवळच्या मित्रांच्या उपस्थितीत लग्न केले. श्रेनूच्या मूळ गावी वडोदरा येथे हा भव्य विवाहसोहळा पार पडला.

दोघांच्या लग्नाचे फोटो सोशल मिडियावर व्हायरल होत आहे. या फोटोत कपल एकदम रॉयल आणि क्लासी दिसत आहे. तीन दिवसांच्या प्री-वेडिंग इव्हेंटनंतर श्रेनू अन् अक्षयचा लग्न सोहळा पार पडला. या जोडप्यांवर चाहते शुभेच्छांचा वर्षाव करत आहेत.

सोशल मीडियावर श्रेनू पारीख आणि अक्षय म्हात्रेने लग्नाचे फोटो शेयर केले आहेत. या फोटोत श्रेनू मरून आणि ऑरेंज सिक्वेन्स लेहेंग्यात सुंदर दिसत आह. तिने पारंपारिक दागिन्यांसह हा लुक पूर्ण केला होता. तर अक्षयने किरमिजी रंगाची शेरवानी परिधान केली होती आणि पांढऱ्या पगडीसह त्याला रॉयल टच दिला होता.

श्रेनूने या फोटोच्या कॅप्शनमध्ये लिहिले, 'एकत्र कायमचे.' यासोबतच त्यांनी लग्नाची तारीख 21 डिसेंबर 2023 सांगितली. श्रेनू आणि अक्षयच्या मेहंदी आणि हळदी सोहळ्याचे फोटोही त्यांनी शेयर केले आहेत. या जोडप्याने वडोदरा येथे जवळचे मित्र आणि कुटुंबासह एक पार्टी आयोजित केली होती.

श्रेनू पारीख ही एक प्रसिद्ध अभिनेत्री आहे. श्रेनूने 'एक भरम सर्वगुण संपन', 'इस प्यार को क्या नाम दूं - एक बार फिर', 'इश्कबाज', 'घर एक मंदिर' आणि 'जिंदगी का हर रंग...गुलाल' सारख्या प्रसिद्ध टीव्ही शोमध्ये तिने काम केले आहे. तर तिचा पती अक्षय म्हात्रेने 'पिया अलबेला' आणि 'इंडियावाली माँ' मालिकेत काम केले आहे.