Prajakta Mali on Ayodhya Ram Mandir Inaguration: आज अयोध्येतील राम मंदिराचा प्राणप्रतिष्ठापना सोहळा रंगणार आहे. देशभरातील भारतीय राम मंदिर प्रतिष्ठापना सोहळ्यासाठी उत्सुक आहेत.
यानिमित्त आज पंतप्रधान मोदींसोबतच अनेक राजकीय नेते राम मंदिर सोहळ्यासाठी हजेरी लावणार आहेत. यातच काही बॉलिवूड मंडळीही अयोध्येला दाखल झाली आहेत. या पार्श्वभूमीवर मराठमोळी अभिनेत्री प्राजक्ता माळीने खास पोस्ट केलीय.
प्राजक्ता माळीने तिच्या सोशल मीडियावर सुर्योदयाचा एक फोटो पोस्ट केलाय. हा फोटो पोस्ट करुन प्राजक्ता लिहीते,
"२२ जानेवारी २०२४. #सुवर्णदिन
शतकांच्या यज्ञातून उठली
एक केशरी ज्वाळा…
दहा दिशांच्या ह्रदयामधूनी
अरुणोदय झाला…
#जयश्रीराम #अयोध्या
सगळं सुंदर, मंगलमय, पावित्र्यपुर्ण असू दे; प्राणप्रतिष्ठा शांततेत पार पडू दे. ही प्रत्येक “भारतीयाची” भावना असू दे. #भारत #प्रभू"
अशातच देशातील मनोरंजनाचे महत्वाचे केंद्र असलेल्या बॉलीवूडला आज सुट्टी देण्यात आल्याची माहिती आहे. आज अयोध्येत प्रभु श्रीराम यांच्या मंदिराचा भव्य उद्धाटन सोहळा पार पडणार आहे. त्यानिमित्ताने जानेवारीला बॉलीवूडमध्ये कोणत्याही प्रकारचे शुटींग होणार नाही. अशी माहिती सुत्रांनी दिली आहे. जनसत्तानं याबाबत अधिक माहिती देणारे वृत्त दिले आहे.
राम मंदिरात स्थापनेसाठी रामलल्लाच्या तीन मूर्ती बनवण्यात आल्या होत्या. ज्यामध्ये शिल्पकार अरुण योगीराज यांच्या मूर्तीची निवड करण्यात आली होती. ही मूर्ती 51 इंच उंच आहे.
रामलल्लाच्या मूर्तीत त्यांचे बालस्वरूप सुंदर दिसतेय. या मूर्तीमध्ये ओम, गणेश, चक्र, शंख, गदा, स्वस्तिक यासह अनेक धार्मिक चिन्हे दिसतात. अरुण योगीराज यांनी काळ्या पाषाणात रामलल्लाची मूर्ती साकारली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.