काश्मीर फाईल्स फेम मराठमोळी अभिनेत्री पल्लवी जोशिंचा अपघात झालाय. पल्लवी सध्या विवेक अग्निहोत्री यांचा आगामी सिनेमा द वॅक्सीन वॉर सिनेमाचं शूटिंग हैद्राबाद मध्ये करत आहेत. शूटिंगदरम्यान गाडीचा ताबा सुटला आणि त्या गाडीने पल्लवी यांना धडक दिली. पल्लवी जोशी यांना तातडीने हॉस्पिटलमध्ये दाखल करण्यात आले.

द वॅक्सीन वॉर सिनेमाचं शूटिंग हैद्राबादला सूरु आहे. पल्लवी या सिनेमात महत्वाची भूमिका साकारत आहेत. शूटिंगदरम्यान हा अपघात झाला आणि पल्लवी जखमी झाल्या. पण तरीही पल्लवी यांनी शूटिंगमध्ये कोणताही खंड पडू दिला नाही. पल्लवी यांनी शूटिंग पूर्ण केले आणि त्यांना तातडीने हैद्राबाद मधील स्थानिक हॉस्पिटलमध्ये दाखल करण्यात आले.

द काश्मीर फाईल्स मध्ये पल्लवी जोशींनी साकारलेल्या भूमिकेची खूप चर्चा झाली. हा सिनेमा बॉक्स ऑफिसवर सुपरहिट ठरला. २०२२ मधला सर्वाधिक चर्चेतला सिनेमा म्हणून या सिनेमाची ओळख आहे. पल्लवी जोशी सध्या द वॅक्सीन वॉर सिनेमाच्या शूटिंगमध्ये व्यस्त आहेत. सिनेमाच्या सेटवर अपघात झाल्याने उपचार घेऊन पल्लवी पुन्हा एकदा शूटिंगला सुरुवात करतील.

'द व्हॅक्सिन वॉर'च्या हा सिनेमा भारतीय शास्त्रज्ञांसह त्या लोकांवर आधारित आहे ज्यांनी जगातील सर्वात प्रभावी लस तयार करण्यासाठी दोन वर्षांहून अधिक काळ रात्रंदिवस मेहनतीने काम केले. 'द व्हॅक्सिन वॉर'मध्ये जागतिक उत्पादकांच्या दबावाला तोंड देऊन आपल्या देशवासीयांचे प्राण वाचवण्यासाठी रात्रंदिवस मेहनतीने काम केलेल्या भारतीय शास्त्रज्ञांची कथा पाहायला मिळणार आहे.