महिलांचे अश्लील व्हिडीओ लाईव्ह स्ट्रीम केल्याप्रकरणी तीन कलाकारांना पोलिसांनी बेड्या ठोकल्या आहेत. रविवारी पिहू नावाच्या अॅपवरुन हे कलाकार अश्लील व्हिडीओचं लाईव्ह स्ट्रिमींग करत होते.

या प्रकरणी पोलिसांनी २० आणि ३४ वर्षीय अभिनेत्री आणि २७ वर्षीय अभिनेत्याला बेड्या ठोकल्या आहेत. हे तिघे या अॅपमध्ये अश्लील व्हिडीओ अपलोड करत होते.

पोलिसांनी दिलेल्या माहितीनुसार, या अॅपवर गेल्या काही दिवसात अनेक अश्लील व्हिडीओ अपलोड करण्यात आले आहेत. अंधेरी वेस्टमधील भागात हा प्रकार उघडकीस आला. ही माहिती मिळताच आरोपींना रंगेहाथ पकडण्यासाठी पोलिस संधीची वाट बघत होते. (Latest Entertainment News)

अखेर अंधेरी वेस्ट येथील चार बंगला येथे रविवारी अश्लिल व्हिडीओंची स्ट्रीमिंग होणार असल्याची माहिती पोलिसांना मिळाली. पुढे पोलिसांनी रेड मारल्यावर तिघांना अटक करण्यात आली. हे तिघे व्हिडीओमधील कलाकार असल्याचं पोलिसांना लक्षात आलं. आता पोलीस पिहू अॅपच्या मालकांच्या शोधात आहेत. (Latest Marathi News)

अटक करण्यात आलेल्या तिघांवर भारतीय दंड संहितेच्या कलम 292 (अश्लील सामग्रीची विक्री किंवा सार्वजनिक वितरण), 293 (वीस वर्षाखालील कोणत्याही व्यक्तीला अश्लील सामग्री विकणे किंवा वितरित करणे) आणि माहिती तंत्रज्ञान कायद्याच्या संबंधित कलमांखाली गुन्हा दाखल करण्यात आला आहे. .

“सर्व आरोपी सध्या आमच्या कोठडीत आहेत. आम्‍ही आता या अॅपच्या युजर्सनी भरलेले पैसे कोणत्या अकाऊंटमध्ये जमा झाले आहेत याचा मागोवा घेत आहोत. विशेषत: लोकं या अॅपच्या माध्यमातुन चांगला आर्थिक फायदा मिळवत आहेत. याशिवाय या अॅपमध्ये महिलांना अश्लील व्हिडीओ शूट करण्यात बळजबरी केली जाते का? याचाही तपास आम्ही घेत आहोत, ” असे एका पोलिस अधिकाऱ्याने सांगितले.