Dadasaheb Phalke Lifetime Achievement Award: दादासाहेब फाळके पुरस्कार हा बॉलिवूड चित्रपटसृष्टीसाठी अत्यंत प्रतिष्ठेचा मानला जातो. यावेळी ज्येष्ठ बॉलिवूड अभिनेत्री वहिदा रहमान यांना दादासाहेब फाळके जीवनगौरव पुरस्कार प्रदान करण्यात येणार आहे.

ज्येष्ठ अभिनेत्री वहिदा रहमान यांची दादासाहेब फाळके जीवनगौरव पुरस्कारासाठी निवड करण्यात आल्याची माहिती आणि प्रसारण मंत्री अनुराग ठाकूर यांनी दिली.

त्यांनी आपल्या ट्विटमध्ये लिहिले की, वहिदा रेहमान जी यांना भारतीय चित्रपटसृष्टीतील त्यांच्या अतुलनीय योगदानाबद्दल यावर्षीचा प्रतिष्ठित दादासाहेब फाळके जीवनगौरव पुरस्कार प्रदान करण्यात येत आहे हे जाहीर करताना मला खूप आनंद होत आहे.

हिंदी चित्रपटांमधील भूमिकांसाठी समीक्षकांनी वहिदा यांची प्रशंसा केली आहे. त्यापैकी प्यासा, कागज के फूल, चौधवी का चाँद, साहेब बीवी और गुलाम, गाईड, खामोशी अशा प्रमुख चित्रपटांचा सामावेश आहे.

5 दशकांहून अधिक काळ चाललेल्या त्यांच्या या कारकिर्दीत, त्यांनी आपल्या भूमिका अत्यंत चोखंदळपणे साकारल्या आहेत. रेश्मा आणि शेरा या चित्रपटातील भुमिकांसाठी त्यांना राष्ट्रीय चित्रपट पुरस्कार मिळाला आहे. पद्मश्री आणि पद्मभूषण पुरस्कारप्राप्त, वहिदा यांनी त्यांच्या कामाप्रती समर्पण, वचनबद्धता आणि एका भारतीय नारीच्या सामर्थ्याचे उदाहरण दिले आहे.

ज्या वेळी ऐतिहासिक नारी शक्ती वंदन अधिनियम संसदेने संमत केला आहे, त्या वेळी त्यांना जीवनगौरव पुरस्काराने सन्मानित करणे ही भारतीय चित्रपटसृष्टीतील एका आघाडीच्या स्त्रीचा योग्य सन्मान आहे . चित्रपटाबाहेरच्या जगात त्यांनी आपले जीवन परोपकारासाठी समर्पित केले आहे.

मी त्यांचे अभिनंदन करतो आणि त्याच्या समृद्ध कार्याला नम्रपणे अभिवादन करतो, जो आमच्या चित्रपट इतिहासाचा एक महत्वाचा भाग आहे.

वहीदा रहमानने यांनी करिअरमध्ये अनेक सुपरहिट चित्रपट दिले आहेत. त्या भारतातील लोकप्रिय अभिनेत्रींपैकी एक आहेत. वर्क फ्रंटबद्दल बोलायचे तर, त्या शेवटच्या स्पोर्ट्स ड्रामा 'स्केटर गर्ल' मध्ये दिसल्या होत्या.