यंदा ऑस्कर पुरस्कार सोहळ्यात राजामौलींच्या RRR सिनेमाने ऑस्कर पुरस्कार सोहळ्यावर नाव कोरलं. याशिवाय द एलिफंट व्हिस्पर्स सिनेमाला सुद्धा ऑस्कर पुरस्कार पटकावला

सध्या आंतरराष्ट्रीय एमी पुरस्कारांची घोषणा झालीय. या पुरस्कार सोहळ्यात सुद्धा भारतीय कलाकारांनी बाजी मारलेली दिसून येतेय.

वीर दासने पटकावल मानाचा एमी

इंटरनॅशनल एमी अवॉर्ड्सच्या अधिकृत सोशल मीडिया पेजने ही आनंदाची बातमी शेअर केली. नेटफ्लिक्स निर्मित "वीर दास: लँडिंग" स्टँड अप कॉमेडीला गेलाय जातो. डेरी गर्ल्स सीझन 3 आणि वीर दासच्या लँडींगला हा पुरस्कार विभागून देण्यात आलाय.

या नेटफ्लिक्स स्पेशलमध्ये, वीर दासने भारतीय आणि अमेरिकन संस्कृतींना राजकारणाच्या दृष्टीकोनातून पाहिलंय. भारतात जन्मलेला माणूस जो अमेरिकेत वाढला होता, वीरच्या दृष्टीकोनातून या दोन्ही संस्कृती शून्यात अस्तित्वात नाही. या दोन्ही संस्कृती असल्याच तर त्यांचा एकमेकांचा संबंध आहे.

एकता कपूरलाही मिळाला पुरस्कार

टेलिव्हिजन क्षेत्रातील यशस्वी योगदानाबद्दल एकता कपूरला एमी पुरस्कार मिळाला आहे. जेव्हा एकताला ऑगस्टमध्ये नामांकनाची बातमी मिळाली होती तेव्हा तिने शेअर केले होते, "एमी पुरस्काराचं माझ्या हृदयात एक विशेष स्थान आहे. जो कामाच्या पलीकडे असलेल्या प्रवासाचे प्रतीक आहे. या पुरस्काराच्या निमित्ताने जागतिक स्तरावर मी भारताचं प्रतिनिधित्व करत आहे. टेलिव्हिजनमध्ये केलेल्या कामगिरीची जागतिक मंचावर दखल घेतली जात आहे."

शेफाली शाह यांचा पुरस्कार हुकला, जीम सरभ वर लक्ष

शेफाली शाह यांना दिल्ली क्राईम या वेबसिरीजसाठी एमीमध्ये नामांकन मिळालं होतं. पण त्यांना पुरस्कारावर नाव कोरता आलं नाही. याशिवाय अभिनेता जीम सरभला रॉकेट बॉईज वेबसिरीजसाठी एमी नामांकन मिळालंय. आता जीमला पुरस्कार मिळणार का? हे पाहायचं आहे.