बॉलीवूडचा किंग शाहरुखनं(Shah Rukh Khan) पुन्हा एकदा आपल्या व्हिडीओनं(Video) चाहत्यांना थक्क करुन सोडलं आहे. इन्स्टाग्रामवर शाहरुखचा एक कमर्शिअल व्हिडीओ सध्या भलताच पसंत केला जातोय. त्याचे चाहते हा व्हिडीओ पाहून खूपच खूश झालेयत. त्या व्हिडीओत शाहरुख खान बाथरुममध्ये शर्टलेस(Shirtless) दिसत आहे. बॉडीवॉशची जाहिरात करताना शाहरुखनं यातून आपल्या फिटनेसची झलक सुद्धा दाखवली आहे. व्हिडीओची सुरुवात शाहरुखच्या आंघोळीपासून करण्यात आली आहे. जिथे बाथरुमध्ये बॉडीवॉशच्या नावावर शाहरुखच्या हातात एक छोटं पाऊच दिलं आहे.(Watch :Shah Rukh Khan is shirtless in latest ad, fans call it 'so cute')

ते छोटं पाऊच पाहून शाहरुख हैराण झालेला दिसतो. व्हिडीओ पोस्ट करताना गोदरेज मॅजिकनं कॅप्शन लिहिलं आहे की,''भारताचा पहिला रेडी-टू-मिक्स बॉडीवॉश,शाहरुख खान सादर करीत आहे''. व्हिडीओनं इंटरनेटवर नुसता धुमाकूळ घातला आहे. या व्हिडीओवर किंग खानच्या चाहत्यांनी मजेदार प्रतिक्रिया दिल्या आहेत. एका चाहत्यानं लिहिलं आहे,'शाहरुख नेहमीच तरुण दिसतो'. तर दुसऱ्यानं लिहिलं आहे की,'वाह,शाहरुख,खुप मस्त फिटनेस,आणि चांगलं सादरीकरण. आम्हा सगळ्यांना तुझी ही खास झलक दाखवल्याबद्दल धन्यवाद'.

शाहरुख सध्या त्याच्या आगामी 'जवान' सिनेमाच्या शूटिंगमध्ये बिझी आहे. दक्षिणेचा मोठा दिग्दर्शक एटलीच्या या सिनेमाविषयी सर्वांनाच खूप उत्सुकता आहे. लवकरच शाहरुखच्या 'पठाण' सिनेमाच्या प्रमोशलाही वेग येईल. या सिनेमात त्याच्या सोबत दीपिका पदूकोणही आहे. तीन-चार वर्षानंतर शाहरुखला पडद्यावर पहायला त्याचे चाहतेही उत्सुक आहेत. शाहरुखने गेल्याच महिन्यात आपल्या फिल्मी कारकिर्दीची ३० वर्ष सेलिब्रेट केली आहेत.