परभणी : फिल्टरच्या पाण्याशिवाय पीत नाही पाणीबैलाची कथा आहे हसू नका कोणीधर्मापुरी शिवारात नखरेवाला बैलबळीराजा करतोय खिसा रोज सैलआजकाल कुणालाही फिल्टर केलेले पाणीच हवे असेत. लग्न समारंभ असो की कोणती पार्टी फिल्टर केलेले पाणीच मागविले जाते. परंतु, चक्क एका बैलाला फिल्टरचे पाणी दररोज लागते असे म्हटले तर सर्वांनाचा आश्चर्याचा धक्का बसल्या शिवाय राहणार नाही. धर्मापुरी (ता.परभणी) शिवारातील पुंडलीकराव पवार यांच्या शेतातील होंड्या नावाच्या बैलाला दररोज चक्क फिल्टरचे पाणी लागते. या बैलाची ही सवय जिल्हाभर चर्चेचा विषय बनला आहे.

परभणी तालुक्यातील धर्मापूरी गाव शिवारातील पुंडलिकराव पवार यांच्या होंड्या नावाच्या बैलाला चक्क फिल्टरचे पाणी पिण्यासाठी लागते. मुळचे वझूर (ता.परभणी) येथील रहिवाशी असलेले पुंडलीकराव पवार यांचे धर्मापूरी शिवारात ११ एकर शेती आहे. या शेतात सध्या कापूस व ज्वारीचे पिक आहे. पुंडलीकराव पवार व त्यांचे नातेवाईक बाळासाहेब पवार हे या शेतीची मशागत करतात. यांच्या सोबत दोन बैल आहेत.

त्यापैकी एक बैल होंड्या नावाचा आहे. खरे तर जन्मल्यापासून तो त्यांच्या जवळ आहे. सध्या त्याचे वय पाच वर्षाचे आहे. परंतू या बैलाला अगदी लहानपणापासून शुध्द पाण्याची सवय जडली आहे. त्यामुळे आज त्याला दिवसाकाठी पाण्याचे दोन जार लागतात. आमचा होंड्या नावाचा बैल लहानपणापासून आमच्या जवळ आहे. भरपूर काम करतो. त्याचा कोणताही त्रास आम्हाला नाही. केवळ त्याला जारचे स्वच्छ पाणीच पिण्यासाठी लागते. जारमधून टाकले तर तो पाणी पितो.