गंगापूर : महिलांच्या आर्थिक साक्षमीकरणासाठी युद्धपातळीवर काम सुरू आहे. महिलांच्या योजना प्रभावीपणे राबवत आहोत. महिलांना संघटीत करणे, प्रशिक्षित करणे, स्वावलंबी करणे, महिला उद्योजकांना बाजारपेठ उपलब्ध करून दिली जात आहे.

तुम्ही फक्त हाक द्या माझ्या मतदार संघापेक्षाही गंगापूर तालुक्यातील भगिनींसाठी एक टक्का जास्त काम करणार असल्याचे प्रतिपादन राज्याच्या महिला व बालविकासमंत्री आदिती तटकरे यांनी केले. शहरातील जिल्हा परिषदेच्या शाळेवर आयोजित सार्वजनिक दुर्गामाता नवरात्र

उत्सव समितीतर्फे आयोजित सिनेतारका अर्चना सावंत प्रस्तुत लावण्यांचा कार्यक्रम झाला त्यावेळी त्या बोलत होत्या. माजी नगराध्यक्ष संजय जाधव यांच्या संकल्पनेतून कार्यक्रमाचे आयोजन करण्यात आले आहे. यावेळी राष्ट्रवादी काँग्रेसचे जिल्हाध्यक्ष कैलास पाटील,

आमदार सतीश चव्हाण, सामाजिक न्याय विभागाचे प्रदेशाध्यक्ष प्रा. सुनील मगरे, महिला कार्याध्यक्षा वैशाली साबळे, तालुकाध्यक्ष अंकुश काळवणे, शहराध्यक्ष फैसल चाऊस, युवकचे मराठवाडा अध्यक्ष दत्ता भांगे, जिल्हाध्यक्ष अनुराग शिंदे, मराठवाडा युवतीच्या अध्यक्षा अंकिता विधाते यांची प्रमुख उपस्थिती होती. उत्सव समितीच्या अध्यक्षा सुवर्णा जाधव यांनी प्रास्ताविक केले.

पुढे बोलताना मंत्री तटकरे म्हणाल्या की, निवडून येतात त्यांची नागरिकांच्या समस्या सोडवीण्याची जवाबदारीच असते. पण जे निवडून न येता देखील जनतेशी बांधिलकी जपतात त्यांना जनता कधीही विसरत नाही.

जाधव दांपत्याने शहरात सामाजिक बांधिलकी जपली असल्यानेच नागरिकांचा सकारात्मक प्रतिसाद दिसत असल्याचे त्यांनी सांगितले. आमदार सतीश चव्हाण यांच्या माध्यमातून शहरवासीयांशी कनेक्ट राहणार असल्याचेही त्या म्हणाल्या.

कार्यक्रमाच्या यशस्वीतेसाठी संतोष अंबिलवादे, तुकाराम सटाले, माजी नगरसेवक सुरेश नेमाडे, योगेश पाटील, सोपान देशमुख, दिनेश गायकवाड, गोरख इंगळे, शरद दारुंटे, मंगेश देशमुख, बाबासाहेब लगड, कृष्णा पाटील, अर्जुन कराले, बाळू जाधव, अमोल बुरकुल, विशाल पाटील, भगवान काळे, मयूर जेउघाले, ओम कान्हे, अजय शिंदे यांनी केले.