हिंगोली: ईडीच्या केंद्रीय पथकाने सुचना न देता मंत्री नवाब मलिक यांना ताब्यात घेतल्याचा राष्ट्रवादी काँग्रेसच्या अल्पसंख्याक विभागातर्फे गुरुवारी ता.२४ गांधी चौकात निषेध करत त्यानंतर जिल्हाधिकारी यांना निवेदन देण्यात आले.

यावेळी अल्पसंख्याक विभागाचे अध्यक्ष सय्यद फारुख सय्यद महेमुद, राष्ट्रवादी काँग्रेस पार्टीचे जिल्हाध्यक्ष दिलीप चव्हाण, राष्ट्रवादी युवक काँग्रेसचे जिल्हाध्यक्ष बालाजी घुगे, शहराध्यक्ष जावेदराज, तसेच संतोष गुठ्ठे ,संजय दराडे,राष्ट्रवादी काँग्रेस ता.अध्यक्ष औंढा नागनाथ,अनंत सांगळे,सरचिटणीस,विधानसभा वसमत आदींची उपस्थिती होती. दिलेल्या निवेदनात नमूद केले आहे की, सुचना न देता ईडी च्या केंद्रीय पथकाने भल्या पहाटे चौकशीसाठी ताब्यात घेतले महाराष्ट्र राज्याचे विद्यमान कॅबिनेट मंत्री नवाब मलिक यांना कोणतीही पूर्व नसल्यामुळे नियम बाह्य चौकशीसाठी ताब्यात घेतल्या बद्दल राष्ट्रवादी काँग्रेस अल्पसंख्याक विभाग तर्फ जाहिर निषेध करीत असल्याचे निवेदनात नमूद केले आहे.

केंद्रीय पथकाच्या तंत्राचा वापर करीत या कार्यवाहीचा जिल्हा राष्ट्रवादी काँग्रेस पार्टीचे सर्व पदाधिकारी आपणास तीव्र भावना लेखी स्वरूपात देवुन जाहिर निषेध व्यक्त करीत असल्याचे निवेदनात नमूद केले आहे.