उमरगा येथे स्पर्धा परिक्षा मार्गदर्शन शिबिर ​उमरगा, ता. २३ : शहरातील तात्यारावजी मोरे कॉलेज ऑफ फार्मसी महाविद्यालयात फार्मसी क्षेत्रातील स्पर्धात्मक परीक्षा, जी-पॅट परीक्षा तसेच विविध शिष्यवृत्ती परीक्षांच्या तयारीसंदर्भात मार्गदर्शन शिबिर घेण्यात आले. ​महाविद्यालयाचे प्राचार्य डॉ. कवलजीत बिराजदार यांच्या मार्गदर्शनाखाली हा कार्यक्रम पार पडला. यावेळी लातूर येथील जी-पॅट ऑफलाइन डिस्कशन सेंटरचे विभागप्रमुख रुपेश चौरे यांनी फार्मसी क्षेत्रातील स्पर्धात्मक परीक्षांचे आणि जी-पॅट परीक्षेचे महत्त्व विशद केले. तसेच परीक्षेची तयारी करण्याची योग्य पद्धत, अभ्यासाचे नियोजन आणि वेळेचे व्यवस्थापन यावर सविस्तर प्रकाश टाकला. शिष्यवृत्ती परीक्षांमुळे विद्यार्थ्यांना मिळणाऱ्या विविध संधी व आर्थिक लाभांची माहिती देत, विद्यार्थ्यांनी योग्य नियोजन, नियमित अभ्यास आणि सातत्यपूर्ण प्रयत्नांच्या जोरावर स्पर्धात्मक परीक्षांमध्ये घवघवीत यश संपादन करावे, असे आवाहन त्यांनी केले. ​या  कार्यक्रमास महाविद्यालयाचे उपप्राचार्य डॉ. प्रशांत माने, डॉ. गणेश केशवशेट्टी, प्रा. सूरज मोरे, प्रा. विष्णू पाटील, प्रा. धृती माने, प्रा. दीपाली भगत, प्रा. वैष्णवी जाधव, प्रा. अंकिता यादव व प्रा. सगुना म्हेत्रे यांच्यासह महाविद्यालयातील सर्व शिक्षक, शिक्षकेतर कर्मचारी विद्यार्थी उपस्थित होते समन्वय प्रा. लक्ष्मण निंबाळे यांनी सूत्रसंचलन यांनी काम पाहिले.