तोंडोळी (जि.औरंगाबाद) : तोंडोळी (ता.पैठण) गावात दोन शेतमजूर महिलांवर दरोडेखोरांनी सामूहिक पाशवी बलात्कार केल्याची धक्कादायक घटना घडली आहे. बिहार (Bihar) राज्यातून मोलमजुरी करण्यासाठी आलेले हे दोन दाम्पत्य तोंडोळी गावातील शेतवस्तीवर राहत होते. बुधवारी (ता.२०) पहाटे दीड (Crime In Aurangabad) वाजण्याच्या सुमारास सात दरोडेखोरांनी शेतवस्तीवर दरोडा घालत दोन महिलांवर पाशवी बलात्कार केला. विशेष म्हणजे यातील एक महिला ही पंधरा दिवसांची बाळंतीण आहे, तर दुसरी महिला ही आठ महिन्यांची गर्भवती असल्याची धक्कादायक माहिती समोर (Paithan) आली आहे. या दोन महिलांवर तब्बल सात जणांनी बलात्कार केल्याची संतापजनक घटना घडली आहे.

ही घटना घडल्यानंतर औरंगाबादसह संपूर्ण राज्यात संतापाची लाट उसळली असून पोलिसांच्या कार्यक्षमतेवर प्रश्नचिन्ह उपस्थित करण्यात आलं आहे. घटना घडून गेल्यानंतर घटनास्थळाला वरिष्ठ अधिकाऱ्यांनी भेटी दिल्या आहेत. मात्र अजूनही पोलिसांना आरोपींचा मागमूस लागलेला नाही.जिल्ह्यातील पोलीस यंत्रणा येथे दाखल झाली असून अद्याप गुन्हा दाखल झालेला नाही. बिडकिन पोलीस ठाण्याअंतर्गत ही घटना घडली असून जिल्हा पोलिस अधीक्षक निमित गोयल तळ ठोकून आहेत.