पाचोड : एका विद्यार्थ्यास फायनान्स कंपनीच्या चौघांनी रस्त्यात अडवून चाकूचा धाक दाखवीत लुटल्याची घटना शनिवारी(ता.२) घडली होती. याप्रकरणी ग्रामीणच्या स्थानिक गुन्हे शाखेच्या पथकाने या लुटप्रकरणी दोघांना हर्सूल (छत्रपती संभाजीनगर) येथे गजाआड करून सोमवारी (ता.४) पाचोड पोलिसांच्या ताब्यात दिले.

सुदर्शन नंदू पांढरे (वय २८), सागर भाऊसाहेब वाघ (वय २८, दोघे रा.आडूळ) अशी ताब्यात घेतलेल्या दोघांची नावे आहेत. पोलिसांनी सांगितले की, शनिवारी (ता.२) सकाळी सव्वाअकरा वाजेच्या सुमारास रुई भारडी (ता.अंबड) येथील शेख रफीक शेख शाबुलाल (वय ३२) हा तरुण चिकलठाणा येथे आरोग्य विभागाची परिक्षा देण्यासाठी दुचाकीवर (क्र.एम.एच-२१ बी.डब्लु-८७०४) धुळे-सोलापूर राष्ट्रीय महामार्गाने जात होता. आडूळ (ता.पैठण) बायपासवर थांबलेल्या चौघांनी दुचाकीस हात देऊन थांबविले. यानंतर फायनान्स कंपनीमधून आलो असून देता 'तू आठ हजार दे नाही तर दुचाकी दे'असे म्हणून तरुणास परिक्षेला जाण्यापासून रोखले. यानंतर तो पैसे देत नसल्याचे पाहून त्यांनी आरोपींनी चाकूचा धाक दाखवून ४ हजार तीनशे रुपये काढून घेत पोबारा केला.

यानंतर फायनान्स कंपनीमधून आलो असून देता 'तू आठ हजार दे नाही तर दुचाकी दे'असे म्हणून तरुणास परिक्षेला जाण्यापासून रोखले. यानंतर तो पैसे देत नसल्याचे पाहून त्यांनी आरोपींनी चाकूचा धाक दाखवून ४ हजार तीनशे रुपये काढून घेत पोबारा केला.