नाचनवेल : दोन दुचाकींची समोरासमोर धडक होऊन एक जण ठार, तर चार जखमी जखमी झाले आहेत. ही घटना गौरपिंप्री (ता कन्नड ) शिवारात रविवारी (ता.३ ) सायंकाळी साडेसहाच्या सुमारास घडली.

गणेश संतोष चौधे (वय १९, रा मोहाडी, ता कन्नड ) असे मृताचे नाव आहे. तर सचिन भानुदास आव्हाळे व महेश एकनाथ आव्हाळे, सचिन आव्हाळे, महेश आव्हाळे (सर्व रा. हस्ता, ता. कन्नड) हे जखमी झाले. सध्या त्यांच्यावर संभाजीनगर येथे उपचार सुरू आहेत.

दुचाकी (एमएच २० एच ७१९५) व (एमएच २०/५९२) दोन्ही दुचाकींची गौरपिंप्री (ता.कन्नड ) शिवारातील गौरपिंप्री-निधोना रस्त्यावर धडक झाली. यातील जखमींना तत्काळ फुलंब्री घाटी रुग्णालयात दाखल करण्यात आले. वैद्यकीय अधिकारी शेख तस्लीम यांनी तपासून गणेश संतोष चौधे याला मृत्यू घोषित केले.

पिशोर पोलिस ठाण्यात आपघाताची नोंद करण्यात आली. मृताच्या पश्चात आई, वडील, भाऊ, बहीण व आजी आहे. तपास सहायक पोलिस निरीक्षक शिवाजी नागवे यांच्या मार्गदर्शनात पोलिस हवालदार वसंत पाटील हे करत आहे.