छत्रपती संभाजीनगर : नागरिकांच्या आंदोलनाची दखल घेत अखेर प्रशासनाने देवानगरी येथील देशी दारूचे दुकान बंद करण्याचा निर्णय घेतला. निर्णय जाहीर होताच माजी उपमहापौर संजय जोशी यांच्यासह नागरिकांनी फटाके फोडून आंनदोत्सव साजरा केला तर महिलांनी फुगडी खेळली.

देवानगरीत नागरिकांना देशी दारूच्या दुकानाचा त्रास होता. या दुकानामुळे महिलांना रस्त्यावर फिरणे अवघड झाले होते. त्यामुळे आंदोलन करत नागरिकांनी हे दुकान बंद केले होते. हे दुकान कायमस्वरुपी बंद करण्यासाठी राज्य उत्पादन शुल्क विभागाकडे तक्रार करण्यात आली होती. त्यानुसार दुकान स्थलांतरित करण्याचे आदेश काढण्यात आले आहेत.

या आदेशामुळे नागरिकांनी जल्लोष केला. यावेळी कृती समितीच्या मीनाक्षी सोनवणे, माजी उपमहापौर संजय जोशी, मिथुन व्यास, राजकुमार सोनवणे, योगेश वाणी, निता पांडे उपस्थितीत होते.