गेवराई (बीड): जागेच्या वादातून सावत्र आईने मुलाला केलेल्या हाणामारीत मुलाचा खून झाल्याची खळबळजनक घटना तालुक्यातील लुखामसला येथे घडली. याप्रकरणी गेवराई पोलीस ठाण्यात तिघाजणांविरोधात गुरुवार (ता.आठ) एप्रिल रोजी गुन्हा दाखल करण्यात आला आहे.
गेवराई तालुक्यातील लुखामसला येथील भगवान डोमाळे यांना दोन पत्नी असून सात अपत्य आहेत. यापैकी पाडूरंग भगवान डोमाळे (वय 38 )वर्ष यांचा व इतर सावत्र भावाचा जागेचा वाद होता. हा वाद आपसात मिटत नव्हता यामुळे त्यांचे सतत भांडण होत होते. दरम्यान गुरुवार (ता.एक) रोजी रात्री हा वाद हाणामारी पर्यत गेला असता पांडुरंग डोमाळे यांच्या डोक्यात कु - हाड लागली होती. यामुळे पाडुरंग यांना अंबाजोगाई येथील रुग्णालयात उपचारासाठी दाखल करण्यात आले होते.
शुक्रवार (ता.दोन) एप्रिल रोजी उपचारा दरम्यान मृत्यू झाला. यामुळे सावत्र आई , तिचा सख्खा मुलगा आणि मुलाच्या मुलाने मिळून खून केल्याप्रकरणी मयताच्या पत्नीने दिलेल्या फिर्यादीवरून गेवराई पोलिस ठाण्यात गुन्हा दाखल झाला आहे. यामध्ये रेणुका भगवान डोमाळे (वय 50) , वैजिनाथ भगवान डोमाळे ( वय 40) व योगेश वैजिनाथ डोमाळे ( वय 20) यांच्या विरूद्ध कलम 302, 506, 34, 323 नुसार गुन्हा दाखल करण्यात आला आहे.
दरम्यान मारेकरी फरार असून या प्रकरणाचा पुढील तपास गेवराई पोलिस ठाण्याचे सहाय्यक पोलीस निरीक्षक प्रफुल साबळे हे करीत आहेत .
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.