लातूर: ओमिक्रॉन विषाणूचा संसर्ग दिवसेंदिवस आपले हातपाय पसरताना दिसतो आहे. देशात शिरकाव केल्यानंतर आता महाराष्ट्रात ओमिक्रॉन आपले हातपाय पसरत आहे. मुंबई, ठाणे, पुणे, नागपूर, कोल्हापूर यानंतर आता लातूरमध्ये ओमिक्रॉन व्हेरियंटचा पहिला रुग्ण सापडला आहे. लातूर जिल्ह्यात ५१ नागरिक परदेशातून आले होते.

राज्य शासनाने जाहीर केलेल्या अति जोखमीच्या देशातून चार नागरिक आलेले आहेत. तर उर्वरित ४७ नागरिक कमी जोखमीच्या देशातून आलेले आहेत. त्यापैकी ४४ लोकांची RTPCR तपासणी करण्यात आली आहे. त्यातील एक जण व्यक्ती करोना पॉझिटिव्ह आला होता. परदेशातून आलेला व्यक्ती करोनाबाधित असल्याने जिल्हा प्रशासनाची चिंता वाढली होती.