धाराशिव : जिल्ह्यात पोलिस पाटील भरती प्रक्रिया सुरू करावी, अशी मागणी राज्य गाव कामगार पोलिस पाटील संघाच्या जिल्हा शाखेने जिल्हाधिकाऱ्यांकडे केली आहे.
याबाबत संघाच्या शिष्टमंडळाने बुधवारी (ता. १९) जिल्हाधिकाऱ्यांना दिलेल्या निवेदनात म्हटले आहे की, धाराशिव जिल्ह्यात पोलिस पाटील यांची अनेक गावातील पदे रिक्त आहेत. त्यामुळे एका-एका पोलिस पाटलाकडे दोन-तीन गावचा अतिरिक्त पदभार देण्यात आला आहे. अन्य जिल्ह्यात पोलिस पाटील भरती प्रक्रिया सुरू झाली आहे.
त्या अनुषंगाने संबंधित गावाचे आरक्षण सोडत काढण्यात आल्या आहेत. धाराशिव जिल्ह्यातही तत्काळ पोलिस पाटील भरती राबवावी. जिल्ह्याच्या ठिकाणी पोलिस पाटील भवन उभारण्यासाठी शासनाकडे प्रस्ताव सादर करावा,
पोलिस पाटलांचे नूतनीकरण विनाविलंब करण्यात यावे, आदी मागण्या करण्यात आल्या आहेत. संघाचे जिल्हाध्यक्ष हनुमंत देवकते, मीडिया जिल्हाध्यक्ष सुभाष कदम-पाटील, जिल्हा सरचिटणीस धनंजय गुंड, सचिन जाधव, चंद्रकांत मगर, परशुराम यादव, अजित मंडलिक, मोहन गुरव, श्याम पाटील आदी यावेळी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.