अंबड (जालना): अंबड-जालना महामार्गावरील शहरापासून अवघ्या तीन किलोमीटर अंतरावर असलेल्या रिलायन्स व महालक्ष्मी पेट्रोल पंपाच्या जवळ सोमवारी (ता.एक) दुपारी साडे बारा वाजता एक भीषण अपघात झाला. या अपघातात दुचाकीला पाठीमागून जोराची धडक बसल्याने दोन्ही दुचाकीवरील तरुण गंभीर जखमी होऊन ठार झाले आहेत.

याबाबत सविस्तर माहिती अशी की, अंबड तालुक्यातील रोहिलागड येथील अभिषेक दादासाहेब टकले (वय 20) व अमर सतीश टकले( 21)  हे दोघे एका दुचाकीवरून अंबड शहरात परक्षा देण्यासाठी जात होते. त्यांच्या पाठीमागे असलेल्या दुचाकीने पुढे काढताना हुलकावणी दिल्याने अमर व अभिषेक दुचाकीवरून खाली पडून गंभीर जखमी होऊन त्यांचा मृत्यू झाला. इतर दोघे दोन दुचाकी वरून पुढे निघून गेले. त्यांच्या लक्षात आल्यानंतर त्यांनी परत येऊन गंभीर जखमी झालेल्या अभिषेक टकले व अमर टकले या दोघांना उपचारासाठी अंबडला घेऊन गेले.

भीषण अपघात! साताजन्माची शपथ राहिली अधुरी; पतीने सोडली मधेच साथ

मात्र त्यांना दोन्ही ठिकाणी दाखल करून न घेतल्याने औरंगाबादला हलविण्यात आले. पण दोघे अपघात स्थळावरच गतप्राण झाल्याने त्यांच्यावर उपचार करण्याची संधी मिळाली नाही. औरंगाबाद येथे शवविच्छेदन करण्यात आले. सोमवारी सायंकाळी शोकाकुल वातावरणात त्यांच्यावर अंत्यसंस्कार करण्यात आले. या घटनेची वार्ता समजताच परिसरात हळहळ व्यक्त करण्यात येत आहे.

पंकजा म्हणतात, 'संजय राठोडनंतर आता धनंजय मुंडेंनीही राजीनामा दिला पाहिजे...

अंबड शहर व परिसरात सध्या सिमेंट रस्त्याचे काम मंदगतीने सुरू असल्याने वाहतुकीची कोंडी होत आहे. याचबरोबर अनेक ठिकाणी पुलाचे काम रखडले आहे. महामार्गावर दुभाजक नसल्याने सारखे अपघाताचे प्रमाण वाढत आहे.

(edited by- pramod sarawale)