वारंगा फाटा (हिंगोली): कळमनुरी तालुक्यातील भाटेगाव येथील एका खाजगी शाळेच्या बांधकामात सिमेंटच्या खांबामध्ये बुधवारी (ता. २१) मसण्याऊद व त्याची चार पिल्ले आढळून आली आहेत. हिंगोली येथील सर्पमित्रांनी तातडीने शाळेत जाऊन त्यांना ताब्यात घेतले असून वन विभागाच्या हवाली केले आहे.
कळमनुरी तालुक्यातील भाटेगाव येथे सर्वपल्ली राधाकृष्णन विद्यालय आहे. सध्या कोरोनामुळे शाळा बंद आहे. येत्या काही दिवसांत शाळा सुरू होणार असल्याने साफसफाईचे काम सुरू होते. शाळेच्या तिसऱ्या मजल्यावर बांधकाम सुरू आहे. येथील खांब भरण्याचे काम शिल्लक असल्याने बुधवारी खांब भरण्याच्या कामाची पाहणी करीत असताना त्यात एक प्राणी व त्याची चार पिल्ले दिसून आली.
हा प्राणी कोणता आहे याची ओळखही कोणाला नसल्याने सर्पमित्र प्रेमकुमार गावंडे यांनी तातडीने हिंगोली येथील सर्पमित्र विजयराज पाटील यांच्याशी संपर्क साधला. त्यानंतर पाटील यांच्यासह चार ते पाच जण भाटेगाव येथे पोहचले त्या ठिकाणी पाहणी केली असता तो प्राणी मसण्याऊद असल्याचे सर्पमित्र पाटील यांनी सांगितले. त्यांनी मसण्याऊद व चार पिल्ले खांबातन बाहेर काढली त्यांना एका पोत्यात बांधून हिंगोलीत आणले व नंतर वन विभागाच्या हवाली करण्यात आल्याचे पाटील यांनी सांगितले. हा प्राणी पाहण्यासाठी गावकऱ्यांनी शाळेत गर्दी केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.