परभणी : राष्ट्रवादी काँग्रेस पक्षाचे आमदार बाबाजानी दुर्राणी यांना कोरोनाची लागण झाली आहे. याबाबत आज सोमवारी (ता.१७) त्यांनी माहिती दिली आहे. ते आपल्या ट्विटमध्ये म्हणतात, की माझी कोविड (Covid) टेस्ट पाॅझिटिव्ह आली असून मी सध्या क्वारंटाईन आहे. मागील काही दिवसांत माझ्याशी संपर्कात आलेल्या व्यक्तींनी आपली चाचणी करुन घ्यावी, असे आवाहन करतो. माझ्या प्रकृतीत सुधारणा आहे. काळजीचे काही कारण नाही. बाहेर फिरताना मास्कचा वापर करा आणि आपली व आपल्या परिवाराची काळजी घ्या, असे आवाहन बाबाजानी दुर्राणी (Babajani Durrani) यांनी केला आहे.(NCP Leader Babajani Durrani Tested Covid Positive)

यापूर्वीही केंद्रीय रेल्व राज्यमंत्री रावसाहेब दानवे, खासदार सुप्रिया सुळे, रोहित पवार, धीरज देशमुख, महादेव जानकर यासह इतर राजकीय नेते, मंत्र्यांना कोरोनाची लागण झाली होती. सध्या राज्यासह देशात कोरोना रुग्णसंख्या मोठ्या प्रमाणावर वाढत आहे. ओमिक्राॅन या कोरोनाच्या नवीन व्हेरिएंटचेही रुग्ण वाढत (Parbhani News) आहे.