उस्मानाबाद : बावी (ता.उस्मानाबाद) येथे ओमिक्राॅनचा (Omicron) संशयित रुग्ण आढळून आला आहे. शारजा येथुन तो भारतात आल्यानंतर त्याची विमानतळावर तपासणी करण्यात आली होती. त्यावेळी त्याची चाचणी निगेटिव्ह आली. मात्र उस्मानाबाद जिल्ह्यात आल्यानंतर त्याची चाचणी पॉझिटिव्ह आली आहे. स्थानिक प्रशासनाने याची दखल घेतली असून प्रशासनाने स्वॅब नमुने तपासणीसाठी पुणे येथे पाठवले आहेत. कोरोना पॉझिटिव असला तरी तो ओमिक्रॉनचा रुग्ण आहे का? याची तपासणी यातून होणार आहे. तीन ते चार दिवसात याचा रिपोर्ट येईल (Foreign Return Man Corona Positive In Osmanabad) अशी माहिती प्रशासनाकडून सांगण्यात आली आहे. (Osmanabad)

दरम्यान गावात संशयित रुग्णापासून फैलाव होऊ नये, यासाठी खबरदारी घेतली जात आहे. गावातील परिसर सील करण्यात आला आहे. तसेच संबंधित संशयित रुग्णांना जिल्हा रुग्णालयात दाखल करण्यात आले असून जिल्हा प्रशासनाने याबाबत योग्य ती काळजी घेत असल्याचे आरोग्य अधिकारी डॉ. नितीन बोडके यांनी 'सकाळ' शी बोलताना सांगितले.