गंगापूर : गोरक्षक दलाच्या उपोषणाला अखेर यश आले असून, पालिका प्रशासनातर्फे शहरातील बेकायदेशिर कत्तलखाना सील करण्यात आला आहे. गोरक्षक दलाचे पदाधिकारी मागील चार दिवसापासून पालिकेच्या प्रांगणात उपोषण करत होते. प्रशासनाच्या निषेधार्थ गुरुवारी (ता. १९) शहरवासीयांनी कडकडीत बंद ठेवला होता.

तसेच सराला बेटाचे महंत रामगिरी महाराज यांनी देखील दसर्यापर्यंत कारवाई केली नाहीतर रस्त्यावर उतरून आंदोलन छेडण्याचा इशारा दिला होता. शुक्रवारी (ता. १९) देवगड संस्थानचे भास्करगिरी महाराज, शिवसेनेचे जिल्हाध्यक्ष राजेंद्र जंजाळ, व्यापारी महासंघाचे अध्यक्ष महेंद्र गुंदेचा यांच्या उपस्थितीत प्रशासनाच्या मुख्याधिकारी डॉ. पल्लवी अंभोरे यांनी कारवाई करत उपोषणकर्त्यांना लेखी आश्वासन दिले आहे.

त्यात गोवंश हत्येच्या बंदीसाठी सर्व विभागाची समिति स्थापन करण्यात आली आहे तसेच गोहत्या झाल्याचे निदर्शनास आल्यास कठोर कारवाई करणार व सील केलेल्या ठिकाणी सीसीटीव्ही कॅमेरे बसवणार असल्याचे सांगितले आहे.

उपोषणकर्ते चंद्रकांत लांडे, श्रीकांत नावंदर, योगेश नाबरिया, राधेश्याम कोल्हे , गणेश पुराणिक, पृथ्वी पवार यांना लिंबू सरबत देऊन उपोषण सोडविण्यात आले आहे. आंदोलन यशस्वीतेसाठी गोसेवेचे प्रांत प्रमुख मनीष वर्मा,

अतुल रासकर, श्रीराम नावंदर मंगेश जोशी, तेजस सोनवणे, राजशेखर किरण, महेश मुंदडा यांनी प्रयत्न केले. उत्कृष्ट कामगिरीबद्दल पोलिस निरीक्षक सत्यजित ताईतवाले व मुख्याधिकारी डॉ. पल्लवी अंभोरे यांचा सत्कार करण्यात आला. यावेळो मोठ्या संखेने गोसेवाक उपस्थित होते.

श्रीकांत नावंदर यांची प्रकृती स्थिर मागील चार दिवसापासून उपोषणकर्ते श्रीकांत नावंदर यांची शुगर कमी झाल्याने त्यांची प्रकृती खालावली होती. माझ्यावर उपचारा करायचे असतील तर उपोषणस्थळीच करा असा आग्रह त्यांनी धरला होता. सकाळी शहरातील डॉ. साजिद शेख तपासणी करून उपोषणस्थळीच उपचार केले त्यांची प्रकृती आता स्थिर आहे.