भोकरदन : मराठा समाजाला आरक्षण मिळावे या मागणीसाठीसाठी भोकरदन तालक्यातील महिला रणरागिणी (ता.२८) शनिवारी रस्त्यावर उतरल्या होत्या. एल्गार मोर्चा काढीत सकल मराठा समाजाच्या महिलांनी मराठवड्यातील मराठा आमदार, खासदारांना पोस्टाद्वारे बांगड्या, साडी चोळी पाठवून संताप व्यक्त केला.
राज्यात नव्हे तर देशात गाजलेल्या जालना जिल्ह्यातील अंबड तालुक्यातील अंतरावली सराटी येथील मनोज जरांगे यांचे मराठा समाजाला आरक्षण मिळावे या मागणीसाठीचे आमरण उपोषण पुन्हा सुरू झाले आहे.
उपोषणकर्ते मनोज जरांगे यांना पाठींबा व मराठा समाजाला आरक्षण जाहीर करावे या मागणीसाठी शनिवारी भोकरदन तालुक्यातील सकल मराठा समाजाच्या महिलांनी सकाळी छत्रपती शिवाजी महाराज चौकापासून मुख्य रस्त्याद्वारे आरक्षणासंदर्भात विविध घोषणा देत एल्गार मोर्चा काढला.
यावेळी मराठा आरक्षणासंदर्भात मौन बाळगून असलेल्या सर्वपक्षीय मराठा आमदार व खासदार यांच्या विरोधात जोरदार घोषणााजी करण्यात आली. तसेच सर्वपक्षीय मराठा आमदार व खासदार यांना साडी, चोळी, बांगड्या, टिकली, हळदी, कुंकू असलेले पार्सल पोस्टाद्वारे पाठविण्यात आल्या आहेत. दुपारी एक वाजता पोस्ट ऑफिस परिसरात राष्ट्रगीताने या मोर्चाची सांगता करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.