मुंबई : मुंबईच्या महापौर किशोरी पेडणेकर यांचा जीव धोक्यात आहे. कारण मुंबईच्या महापौर किशोरी पेडणेकर यांना जीवे मारण्याची धमकी आली आहे. समोर येणाऱ्या माहितीनुसार गेल्या महिन्यात २१ तारखेला म्हणजेच २१ डिसेंबर रोजी धमकीचा फोन आला होता. एका अज्ञात व्यक्तीने किशोरी पेडणेकर यांना फोन करून अर्वाच्च भाषेत शिव्या देत जीवे मारण्याची धमकी दिली आहे. 

यानंतर मुंबईतील आझाद मैदान पोलिस स्टेशनमध्ये तक्रार दाखल करण्यात आली होती. पोलिसांकडून मिळालेल्या माहितीनुसार २१ तारखेच्या संध्याकाळी सहा वाजता अज्ञाताने फोन करून धमकी दिली होती. फोनवर बोलणारा व्यक्ती हिंदी भाषेत बोलत होता. सोबतच अत्यंत खालच्या पातळीवर जाऊन शिवीगाळ देखील करत  होता. दरम्यान, किशोरी पेडणेकर यांनी त्यांना धमकीचा फोन आल्यानंतर दोन दिवसांनी पोलिसात तक्रार दाखल केली. 

आतली खबर : राजकारण्यांना ED ची चौकशी म्हटली की धडकी का भरते ? । शरद पवार, राज ठाकरे यांच्यापासऊन नुकतीच प्रताप सरनाईक, एकनाथ खडसे आणि शिवसेना खासदार संजय राऊत यांची नावे ईडीच्या चौकशीच्या फेऱ्यात आली होती

पोलिसांनी याबाबत अत्यंत गुप्तता बाळगली आहे. याबाबत पोलिसांकडून पुढील तपास सुरु आहे. सूत्रांच्या माहितीनुसार धमकी देणाऱ्याला पोलिसांनी ट्रेस केलेलं आहे आणि शेजारील राज्यामधून लवकरच या व्यक्तीला अटक देखील करण्यात येणार आहे. 

मुंबईत महापालिका निवडणुकांची गरामगरमी वाढली आहे. अशात सर्वच पक्षांकडून मुंबई महापालिका निवडणुकांसाठी मोर्चेबांधणी सुरु केली आहे. यादरम्यान सर्वच पक्षांकडून आपापल्या विरोधकांवर चिखलफेक सुरु आहे. यानंतर किशोरी पेडणेकर यांना धमकीचा फोन आला आहे.  

महत्त्वाच्या बातम्या वाचण्यासाठी इथे क्लिक करा । Marathi from Thane, Navi Mumbai, Vasai-Virar, Mira Bhayandar, Kalyan Dombivali 

BMC mayor kishori pednekar gets life threatening call from unknown person