मुंबई - कोविड काळातील बॉडीबॅग प्रकरणी मोठी अपडेट आली आहे. बॉडीबॅगचे कंत्राट मिळवणाऱ्या कंपनीला आर्थिक गुन्हे शाखेचे समन्स समन्स बजावले आहे. या प्रकरणी माजी महापौर किशोरी पेडणेकर यांच्यावर गुन्हा दाखल करण्यात आलेला आहे.

दरम्यान मंगळवारी कागदपत्रे घेऊन चौकशीला हजर राहण्याचे समन्स वेदांता इंनोटेक कंपनीला आर्थिक गुन्हे शाखेचे बजावले आहे.

मुंबईतील कोविड घोटाळ्याबाबत काही दिवसांपूर्वी ईडीकडून धाडसत्र सुरु करण्यात आले होते. ठाकरे कुटुंबाच्या जवळच्या लोकांकडे ईडीने धाड टाकली होती. याप्रकरणी अजूनही चौकशी सुरु आहे.

याआधी आर्थिक गुन्हे शाखेने किशोरी पेडणेकर यांच्या विरोधात गुन्हा दाखल केला होता. बॉडी बॅग खरेदीत घोटाळा केल्याचा आरोप किशोरी पेडणेकर यांच्यावर आहे.