मुंबई - गेल्या काही दशकांपासून सुरु असलेली मुंबई पोलिसांची एक विशेष कॉन्फरन्स कोरोनामुळे आता बंद झाली आहे. गेल्या अनेक वर्षांपासून मुंबईचे पोलिस आयुक्त महिन्यातून एकदा एक अत्यंत महत्त्वाची कॉन्फरन्स घेत होते. या कॉन्फरन्सला 'क्राईम कॉन्फरन्स' असं संबोधलं जायचं. यामध्ये प्रत्येक पोलिस स्टेशन, क्राईम ब्रांचमधील जेष्ठ इन्स्पेक्टर यांच्यापासून ते डीसीपी, ऍडिशनल डीसीपी, सर्व जॉईंट कमिशनर ऑफ पोलिस यांना येणं बंधनकारक असायचं. मात्र कोरोनाच्या काळात ही कॉन्फरन्स आता बंद झालीये.      

मोठी बातमी - कोविडग्रस्त मुलांना कोविडमुळे झालीये दुर्मिळ आजाराची लागण; अवयव झाले निकामी, हृदयावरही परिणाम

एका सिनिअर आयपीएस अधिकाऱ्याने एका हिंदी वृत्तपत्राच्या संकेतस्थळाला याबाबत माहिती दिलीये. कोरोनाआधी आमची पोलिस कमिशनर यांच्यासोबत त्यांच्या केबिनमध्ये मिटिंग व्हायची. मात्र मागील काही महिन्यांपासून मुंबईचे आयुक्त आता व्हिडीओ कॉन्फरन्सिंगच्या माध्यमातून मिटिंग घेतात. यामध्ये डीसीपी आणि ऍडिशनल सीपी यांचादेखील समावेश होतो. जॉईंट सीपी देखील आता अधिकाऱ्यांना अत्यंत महत्त्वाच्या परिस्थितीतच आपल्या केबिनमध्ये बोलावतात. कोरोनाच्या संवेदनशील  काळात अधिकाधिक मिटींग्स या फोनवरून किंवा कॉन्फरन्सवर करण्यावर पोलिसांचा भर आहे. गेल्या आठवड्यात पोलिस मुख्यालयातील एका वरिष्ठ आयपीएस अधिकाऱ्याला कोरोना झाल्याचं निष्पन्न झालं होतं. दोन महिन्यांपूर्वी एक डीसीपी कोरोनमुक्त झालेत.  

मोठी बातमी  - मुंबई CSMT स्टेशनचा लवकरच होणार मेकओव्हर, स्टेशन दिसणार विमानतळासारखं... 

संपूर्ण मुंबई आणि महाराष्ट्रात हजारो पोलिसांना कोरोनाची लागण झालीये. अनेक पोलिस कर्मचारी आणि अधिकाऱ्यांचा कोरोनामुळे जीवही गेलाय. अशात पोलिसांमध्ये कोणतीही अनावश्यक मिटिंग समोरासमोर होऊ नये याचं काटेकोरपणे पालन केलं जातंय. 

या वरिष्ठ आयपीएस अधिकाऱ्याच्या माहितीप्रमाणे पोलिस स्टेशन्स किंवा क्राईम ब्रान्चमध्ये पोलिसांनी एकमेकांना न भेटणं हे संभव नाही. त्यामुळे महत्त्वाचा बंदोबस्त, नाकाबंदी, कोणत्याही केस संबंधी चर्चेसाठी पोलिसांमधील मिटींग्स पूर्णपणे बंद करता येणार नाहीत असं त्यांचं म्हणणं आहे.    

corona has changed way of working in worlds most efficient mumbai police