मुंबई : मुंबईतील खासगी व एनटीसीच्या कापड गिरण्यांच्या (cotton mill) चाळींच्या पुनर्वसनाबाबत (chaul redevelopment) नुकतीच संबंधितांमध्ये प्रदीर्घ चर्चा झाली असून याबाबतचा प्रस्ताव (proposal) लवकरच केंद्राकडे पाठविण्याचे ठरले. या पुनर्वसनातून चार हजार घरे मिळण्याची शक्यता आहे. या जुन्या चाळींच्या पुनर्विकासाबाबत राष्ट्रीय मिल मजदूर संघाचे अध्यक्ष सचिन अहिर (sachin Ahir) आणि सरचिटणीस गोविंदराव मोहिते (Govindrao mohite) यांनी गृहनिर्माणमंत्री जितेंद्र आव्हाड (Jitendra awhad) यांच्याकडे बैठक घेण्याची मागणी केली होती. त्यानुसार झालेल्या बैठकीस एनटीसीचे कार्यकारी प्रमुख मनोज कुमार (manoj kumar) तसेच सेंच्युरी, बॉम्बेडाइंग, खटाव, मफतलाल, मॉर्डन आदी खाजगी मिलचे वरिष्ठ, सबंधित खात्यांचे अधिकारी, रा. मि. म. संघाचे निवृत्ती देसाई व बजरंग चव्हाण आदी उपस्थित होते.

या गिरण्यांच्या चाळी जुन्या झाल्याने त्यांची अवस्थाही धोकादायक झाली आहे, असेही अहिर यांनी दाखवून दिले. या चाळींचा म्हाडामार्फत पुनर्विकास व्हावा, अशी मागणीही अहिर यांनी यापूर्वी केली होती. या पुनर्विकास योजनेला एनटीसी च्या वरिष्ठांनी सहमती दर्शवली. केंद्रीय वस्त्रोद्योगमंत्री पियुष गोयल यांच्याबरोबर चर्चा करण्याचे ठरविण्यात आले. खासगी गिरण्यांच्या प्रतिनिधींनीही आपला प्रस्ताव येत्या आठ दिवसात गृहनिर्माण मंत्र्यांकडे सादर करण्याचे मान्य केले. मुंबई विकास नियंत्रण नियमावली 1991 अंतर्गत खाजगी मालक किंवा एन. टी. सी. या चाळींच्या संपूर्ण जमिनीवर पुनर्वसन करु शकत नाही. परंतु नियमानुसार जे कामगार एक 2000 पर्यंत चाळीमध्ये रहात होते, त्यांना 405 चौरस फुटांचे घर देणे बंधनकारक आहे. सर्वांनी सहकार्य केले तर चार हजार पेक्षा जास्त घरे मिळतील, असा अंदाजही यावेळी व्यक्त करण्यात आला.