तपासानंतर प्रकरण उघडकीस आलं अन् साऱ्यांनाच बसला धक्का

मानखुर्द: गोवंडीच्या (Govandi) शिवाजीनगर पोलिसांनी शीव (Sion) येथून अंमली पदार्थ मिश्रित कफ सिरफच्या (Cough Syrup) बाटल्या शनिवारी रात्री जप्त केल्या. या प्रकरणी रहीम शेख (Rahim Shaikh) उर्फ कुबड्या (वय ३२) व मोहित खान (Mohit Khan) याला पोलिसांनी अटक केली. या दौघांकडून सहा लाख चौदा हजार रुपये किमतीच्या १ हजार ५२६ बाटल्या (Bottles Seized) जप्त करण्यात आल्या. पोलीस नाईक प्रशांत पुजारी यांनी याविषयी तक्रार दाखल केली होती. त्यानुसार, गोवंडी पोलिसांनी ही धडक कारवाई केली.

या प्रकरणात अटक करण्यात आलेला आरोपी कुबड्या याची शिवाजीनगर पोलीसांनी कसून चौकशी केली. त्या चौकशी दरम्यान कुबड्याने महत्त्वाची माहिती दिली. मिळालेल्या माहितीनुसार, कुरियरच्या माध्यमातून खाजगी ट्रॅव्हल्समधून कोडियन नावाच्या अंमली पदार्थ मिश्रित सिरपच्या बाटल्या येत असल्याची माहिती दिली होती. त्या माहितीच्या आधारे पूर्व द्रुतगती मार्गावरील शीव येथील कुरियर कंपनीच्या कार्यालयात तपासणी केली. त्यावेळी सिरपच्या बाटल्या जप्त करत कुरियर स्वीकारणारा मोहित याला अटक करण्यात आली. कुरियर कंपनी तसेच संबंधित व्यक्तींची चौकशी आणी या प्रकरणाचा तपास शिवाजी नगर पोलीस करत आहेत.