ठाणे : लॉकडाऊनमुळे अनेक बहिणींना यंदा माहेरी जाऊन भावाला राखी बांधता येणार नाही. त्यामुळे त्यांनी राखी पाठवण्यासाठी टपालाला पसंती दिली आहे. त्याची दखल घेत या विभागाने वेळेवर राखी पोहचवण्यासाठी रविवारी (ता.2) सेवा सुरू ठेवण्याचा निर्णय घेतला आहे.
भाऊ दूर रहाण्यास असल्याने किंवा अन्य कारणाने बहिणींना रक्षाबंधनच्या दिवशी भावाकडे जाणे शक्य होत नाही. त्यामुळे बहिणी कुरिअरने किंवा टपालमार्फत राखी पाठवितात. यंदा कुरिअर सेवा बंद असल्याने टपाल विभागाच्या मदतीने राखी पाठविण्याचा पर्याय अनेकांनी स्वीकारला. मात्र,
शनिवारी बकरी ईदची सुट्टी व सोमवारी रक्षाबंधन आहे. त्यामुळे राखी वेळेवर पोहचवण्यासाठी रविवारीही टपाल कार्यालय कार्यरत राहणार आहे, अशी माहिती ठाणे टपाल विभागाच्या वतीने देण्यात आली.
विशेष राखी पाकिटाला पसंती
दरवर्षीप्रमाणे यावर्षीही टपाल विभागाने रक्षाबंधन निमित्त विशेष राखी पाकीट उपलब्ध केले होते. या योजनेला यंदा उत्तम प्रतिसाद मिळाला आहे. ठाणे विभागातील सर्व टपाल कार्यालयात राखी पाकीटाचे बुकींग करण्यासाठी काऊंटर उघडण्यात आले होते. राखी पाकीट तातडीने वेगळी करुन ते पत्त्यावर पोहोच करण्याची व्यवस्थाही करण्यात आली आहे.
---------------------------------------------
संपादन - तुषार सोनवणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.