वसई - गणेशेत्सवात ढोल ताशांचा गजर, गुलालाची उधळण यंदा कोरोनामुळे दिसली नाही. अत्यंत साध्या पद्धतीने गणेशाचे आगमन आणि विसर्जन होणार आहे. मात्र यामुळे ढोलताशा पथकाला सार्वजनिक मंडळांकडून मिळणारे लाखो रुपयांवर पाणी सोडावे लागले आहे.परंतु कोरोना प्रादुर्भाव असताना शासनाने घेतलेल्या निर्णयाचे देखील पधकाकडून स्वागत केले जात आहे.

मुंबई पोलिस अॅक्शन मोडमध्ये; जप्त केल्या हजारो गाड्या, कारवाईचा आकडा बघून व्हाल चकित

वसईत घरगुती व सार्वजनिक मंडळात आगमन आणि विसर्जनासाठी ढोल ताशा पथक सज्ज होत असते. त्यासाठी दोन महिने आगोदर सराव केला जातो. वाद्यांची दुरुस्ती केली जाते परंतु कोरोना महामारीत परवानगी नाही गुढीपाडव्याच्या दिवशी तसेच गणेशोत्सवात या पथकांना चांगले मानधन मिळते त्यातून थोडे फार पैसे मिळतात परंतु यंदा दोन्ही उत्सवात ढोल ताशा पथकांना काम मिळाले नाही. विशाल ढोल ताशा पथकांचे अध्यक्ष दर्शन म्हात्रे , उपाध्यक्ष दिशा राणे व पथकप्रमुख कुणाल वीरकर यांच्या म्हणण्यानुसार पथकात 70 ते 80 जण आहेत. गणेशोत्सवात वसई तालुक्यातील 15 सार्वजनिक मंडळांनी गेल्या वर्षी बोलावले होते.  यावेळी 4 ते 5 लाख इतके मानधन मिळाले तर गुढीपाडव्याला 3 ठिकाणी जात होतो 50 हजाराहून अधिक पैसे मिळाले होते दहीहंडी उत्सवात देखील बोलावले जाते परंतु यंदा हाती काहीच आले नाही मात्र वाद्यांची दुरुस्ती, सरावासाठी लागणारा खर्च हा करावा लागणार आहे. अशीच परिस्थिती सर्व ढोल ताशा पथक, बँडपथक आदींची झाली असून लाखो रुपयांचे नुकसान झाले आहे.

मुंबईत कोरोनाचे गंभीर रुग्ण अधिक, मृत्युदर कमी करण्यासाठी पालिकेचा प्रयत्न

दरवर्षी कला दाखविण्याची संधी,मंडळाकडून कौतुकाची थाप व पैसे देखील मिळत असल्याने उत्साह वाढतो मात्र यावर्षी कोरोनाच्या संकटामुळे शासनाने घालून दिलेल्या नियमाचे पालन केले  जात आहे.कमाईवर विरजण पडले असले तरी कोरोनाच्या या लढाईत गर्दीतून दूर राहून का होईना आम्ही पाठिंबा देत आहोत याचा आनंद आहे. असे विशाल ढोल ताशा पथकाचे संचालक रोशन घरत व जयेश घरत यांनी 'सकाळ'शी बोलतांना सांगितले.

-----------------------------------------------

संपादन - तुषार सोनवणे