मुंबई : ब्राझीलमध्ये काही व्यायवसायिकांनी मिळून त्यांच्या देशाची मोठ्या प्रमाणात आर्थिक फसवणूक केली आहे. या व्यावसायिकांविरोधात ब्राझीलने कडक पाऊले उचलण्यास सुरूवात केली. त्या व्यावसायिकांची माहिती गोळा करताना त्यातील काही बँक खाती ही भारतात असल्याचे ब्राझील प्रशासनाला निदर्शनास आले. त्यानुसार ब्राझीलने भारताला त्याच्या देशातील 67 खाती ही गोठवण्याची विनंती केली होती.

पोटगीची रक्कम थकवणाऱ्या नवऱ्याला न्यायालयाचा दणका; मालमत्ता गोठवण्याचे दिले आदेश

ब्राझीलकडून करण्यात आलेल्या विनंतीनुसार भारतातील 67 संशयित खाती गोठवण्यात आली आहेत. ब्राझीलमध्ये सुरू असलेल्या मनी लाँडरींगप्रकरणी सुरू असलेल्या तपासाप्रकरणी ही विनंती करण्यात आली असून त्यातील काही खाती ही मुंबईशी संबंधित असल्याचे ईडीतील सूत्रांनी सांगितले.

अवघ्या साडेसात हजार फूट जागेसाठी मोजले 30 कोटी, BKC मधील सर्वात महागडं प्रॉपर्टी डिल

भारत आणि ब्राझील या दोन्ही देशांमध्ये आर्थिक गुन्ह्यांचा सामना करण्याच्या हेतून काही वर्षांपूर्वी परस्पर करार करण्यात आला आहे. त्या अनुषंगाने भारताना ब्राझीलच्या सांगण्यावरून त्यांच्या देशाची संबधित भारतात असलेली  67 खाती ही 'एजन्सी प्रिव्हेन्शन ऑफ मनी लॉन्ड्रिंग अॅक्ट'अंतर्गत ईडीने गोठवली आहेत. त्यातील काही खाती ही मुंबईशी संबंधित असल्याचे ईडीतील सूत्रांनी सांगितले. त्यात कंपन्यांची व खासगी खात्यांचाही समावेश आहे.

एकच नंबर! मुंबईत आतापर्यंत 'इतक्या' रुग्णांची कोरोनावर मात

भारताचे आंतरराष्ट्रीय पातळीवर अनेक देशांचे चांगले संबध आहे. कोरोना महामारीच्या काळात ही भारताने तब्बल 150 हून अधिक देशांना औषध आणि इतर अत्यावश्यक वस्तूंचा पुरवठा केला होता. नुकतीच ब्राझीलमधील तपास यंत्रणांनी भारताला 67 खाती गोठवण्याची विनंती केली होती. त्यानुसार भारताच्या ईडीने ती खाती गोठवली आहेत.
----
(संपादन : ऋषिराज तायडे)