मुंबई : कोव्हिडच्या पार्श्वभुमीवर मुंबईत घरगुती गणपती मुर्ती दोन फुटापर्यंत आणि शक्यतो शाडूची असावी. घरीच किंवा कृत्रिम तलावात विसर्जन करावे. शक्यतो विसर्जन माघ महिन्यात किंवा पुढल्या वर्षी करावे, असे आवाहन पालिकेने केले आहे. घर प्रतिबंधित वस्ती किंवा सील इमारतीत असल्यास त्याबातचे नियम पाळावे. महापालिका आणि पोलिसांच्या सुचनांचे पालन न करणाऱ्यांवर साथ नियंत्रण कायदा व आपत्ती निवारण कायद्यानूसार कारवाई होईल, असा इशाराही पालिका प्रशासनाने दिला आहे. या कायद्यानूसार 1 वर्षापर्यंतची कैद आणि दंड अशी शिक्षा होऊ शकते.

लालकृष्ण अडवाणींच्या रथयात्रेचे सारथी कोरोनाच्या लढाईत हरले; जितेंद्र आव्हाडांनी केली होती मदत...

सार्वजनिक गणेशोत्सवाप्रमाणे घरगुती गणेशोत्सवासाठीही महापालिकेने नियमावली तयार केली आहे. मुंबईत दिड लाखाहून अधिक घरगुती गणपतींची प्रतिष्टापना होते. सार्वजनिक गणपती आगमन  आणि विसर्जनाप्रमाणेच घरगुती गणपतीसाठी पाच माणसांची अट ठेवण्यात आली आहे. तसेच, प्रत्येक ठिकाणी सामाजिक अंतर पाळणे बंधनकारक असून मास्क फेसशिल्डचाही वापर करावा, अशी सुचना पालिकेने केली आहे. दर्शनाला येणाऱ्या नागरिकांसाठी मास्क आणि सॅनिटायझरची सोय करणेे बंधनकारक आहे.

कोरोना तर वाढतोच आहे, मग प्रत्यक्ष शाळा सुरू करायच्या की नाही? शिक्षणाधिकाऱ्यांनी शाळांना केल्या सूचना

असे करता येईल
शाडूच्या मुर्तीऐवजी घरातील संगमरवरी अथवा धातूच्या मुर्तीची प्रतिष्ठापना करावी. शक्य असल्यास माघ महिन्यात किंवा पुढील वर्षी विसर्जन करावे. त्यासाठी मुर्तीचे पावित्र्य जपण्यास घरीच मुर्ती पवित्र कपड्यात गुंडाळून ठेवी, असे आवाहन पालिकेने केले आहे.

कोव्हिड केअर सेंटरमध्ये अहोरात्र सेवा; मात्र दोन महिन्यांपासून मानधनच नाही....

हे लक्षात ठेवा 

- आगमन आणि विसर्जनासाठी 5 पेक्षा जास्त माणसांना परवानगी नाही 
- शाडूची मुर्ती असल्यास घरीच विसर्जन शक्य.
- घरी विसर्जन करणे शक्य नसल्यास नजिकच्या कृत्रिम विसर्जनस्थळी विसर्जन करावे 
- नैसर्गिक विसर्जन तळावर जाणे टाळावे 
- घरगुती गणेशमूर्तींचे विसर्जन करताना, संपूर्ण चाळीतील, इमारतीतील सर्व घरगूती गणेशमूर्ती विसर्जनाची मिरवणूक एकत्र काढू नये.
- विसर्जनाची आरती घरीच करावी.
-  लहान मुले व ज्येष्ठ नागरिकांनी सुरक्षेच्या दृष्टीने विसर्जन स्थळी जावू नये.

-------------------------------------------------

संपादन - तुषार सोनवणे