कल्याण: कल्याण (kalyan area) कोळसेवाडीत घडलेल्या प्रकारानंतर राज्यात कायदा-सुव्यवस्था (law & order) उरली नाहीय का? असा प्रश्न तुम्हाला पडल्याशिवाय राहणार नाही. कल्याण कोळसेवाडी (kolsewadi) विभागात दोन तरुण आणि एक तरुणीला जमावाने बेदम मारहाण (beaten mercilessly) केल्याची घटना शुक्रवारी मध्यरात्री घडली. या घटनेचा व्हिडिओ व्हायरल झाला. (In kalyan area two youth & girl beaten mercilessly by crowd)

एक तरुणी रात्रीच्या सुमारास रिक्षामधून प्रवास करत होती. त्यावेळी रिक्षा चालकाने तिच्याशी छेडछाड केल्याचा आरोप तिने केला. तिने लगेच फोन करुन या बद्दल आपल्या मित्रांना कळवले. तिचे मित्र लगेच त्या ठिकाणी पोहोचले. त्यांनी रिक्षा चालकाचा समाचार घेतला. त्याची गाडी फोडण्याचा प्रयत्न केला.

हा प्रकार तिथल्या जमावाने पाहिल्यानंतर रिक्षाचालक आणि तेथील जमावाने या तरुणांना जबर मारहाण केली. राहुल गडेकर आणि बंटी प्रधान असे मारहाण झालेल्या तरुणांची नावे आहेत. ते उल्हासनगर विभागात राहतात. जमावाने या दोन्ही तरुणांना लाथा-बुक्क्याने अगदी पट्ट्याने मारहाण केली. या तरुणीलाही यात मारहाण झाली. या प्रकरणी कोळसेवाडी पोलिसांनी गुन्हा दाखल करण्याची प्रक्रिया सुरू केली आहे.

किरीट सोमय्या

कल्याण कोळसे वाडी परिसरात तरुण मुलीची छेडछाड व तिच्या मदतीला आलेल्या दोन तरुणांना मारहाण करणाऱ्यांना अटक करण्यात पोलीस दिरंगाई करत आहेत. मी पोलीस अधिकाऱ्यांशी बोललो, त्यांना अटक करण्याची मागणी केली आहे.